घुस डील गरेका सामान्य प्रशासनमन्त्री राजकुमार गुप्ताले दिए राजीनामा

युवराज कँडेल

मंगलबार, असार ३१, २०८२

घुस डील गरेका सामान्य प्रशासनमन्त्री राजकुमार गुप्ताले दिए राजीनामा

काठमाडौँ । घुस डील गरेका संघीय मामिला तथा सामान्य प्रशासनमन्त्री राजकुमार गुप्ताले राजीनामा दिएका छन् ।

मन्त्री गुप्ताले मंगलबार प्रधानमन्त्रीसमक्ष राजीनामा बुझाएको उनले सामाजिक सञ्जालमा लेखेका छन् । नेकपा एमालेका केन्द्रिय सदस्य तथा सांसद समेत रहेका गुप्ताले भूमि आयोगका जिल्ला अध्यक्षको नियुक्ती र मालपोत कार्यालय कास्कीका प्रमुखको सरुवा रोक्न घुस डिल गरेका थिए ।

पूर्व भूमिसुधार मन्त्री रञ्जिता श्रेष्ठ र एमालेकै गण्डकी प्रदेशका नेता समेत रहेको सुजन लामाले मन्त्री गुप्ताको क्वाटरमै गएर घुस डिल गरेको अडियो सिधाकुराले सार्वजनिक गरेको थियो ।

सामान्य प्रशासन मन्त्री राजकुमार गुप्तालाई घुसका रुपमा दुई झोला रकम, अख्तियारमा नोट नम्बर र फोटो सहित उजुरी

सिधाकुरासँग मन्त्री गुप्ताले अडियोमा आफ्नो आवाज भएको स्विकार गरेका थिए । साथै उनलाई घुस रकम बोकेर गएकी नाउपाकी अध्यक्ष समेत रहेकी श्रेष्ठले पनि आफू उपस्थित भएको, कुराकानी गरेको स्विकार गरेकी थिइन् ।

मन्त्री राजकुमारलाई घुस दिने विचौलीया पूर्वमन्त्री तथा नाउपाकी अध्यक्ष रञ्जिता श्रेष्ठ

घुस डिल गरेको अडियो सार्वजनिक भएपछि पनि उनलाई प्रधानमन्त्री केपी शर्मा ओलीले संरक्षणको प्रयास गरेका थिए । तर सर्वत्र आलोचना भएपछि प्रधानमन्त्रीकै निर्देशनमा मन्त्री गुप्ताले राजिनामा गरेको बुझिएको छ ।
मन्त्री गुप्ताबारे सिधाकुराले गरेको खुलासा यस्ता छन्: