तनहुँका स्थानीय तहलाई सङ्घीय सरकारबाट चार अर्ब अनुदान

दमौली (तनहुँ), २६ जेठः स्थानीय तहले आर्थिक वर्ष २०८३/८४ का लागि सङ्घीय सरकारबाट रु चार अर्बभन्दा बढी अनुदान पाउने भएका छन् । जिल्लास्थित १० स्थानीय तहका लागि अर्थ मन्त्रालयले चार अर्ब ५६ करोड ४७ लाख विनियोजन गरेको हो । 

सबैभन्दा बढी व्यास नगरपालिकाले र सबैभन्दा कम घिरिङ गाउँपालिकालाई बजेट विनियोजन गरिएको छ । व्यास नगरपालिकालाई ९४ करोड ३० लाख विनियोजन गरिएको छ । व्यास नगरपालिकाले समानीकरण अनुदानतर्फ १८ करोड ६० लाख, सशर्त अनुदानतर्फ  ७५ करोड २० लाख र समपुरक अनुदानतर्फ ५० लाख बजेट पाउनेछ । 

Watch On

भानु नगरपालिकालाई ५९ करोड ६८ लाख विनियोजन गरिएको छ । भानुले समानीकरण अनुदानतर्फ १३ करोड ८७ लाख, सशर्त अनुदानतर्फ ४४ करोड ४१ लाख, विशेष अनुदानतर्फ एक करोड र समपुरक अनुदानतर्फ रु ४० लाख पाउनेछ ।

भिमाद नगरपालिकालाई  ४५ करोड ६९ लाख विनियोजन गरिएको छ । भिमादले समानीकरण अनुदानतर्फ  ११ करोड १४ लाख, सशर्त अनुदानतर्फ  ३० करोड ७३ लाख, विशेष अनुदानतर्फ  एक करोड ६७ लाख र समपुरक अनुदानतर्फ  दुई करोड १५ लाख पाउनेछ । 

शुक्लागण्डकी नगरपालिकालाई ६३ करोड ७८ लाख विनियोजन गरिएको छ । शुक्लागण्डकीले समानीकरण अनुदानतर्फ १४ करोड ६० लाख, सशर्त अनुदानतर्फ ४६ करोड ४३ लाख, विशेष अनुदानतर्फ एक करोड ४० लाख र समपूरक अनुदानतर्फ एक करोड ३५ लाख पाउनेछ । 

आँबुखैरेनी गाउँपालिकालाई ३१ करोड ४१ लाख विनियोजन गरिएको छ । आँबुखैरेनीले समानीकरण अनुदानतर्फ नौ करोड ६७ लाख, सशर्त अनुदानतर्फ  १७ करोड ३६ लाख, विशेष अनुदानतर्फ एक करोड ८० लाख र समपूरक अनुदानतर्फ दुई करोड ५८ लाख पाउनेछ । 

ऋषिङ गाउँपालिकालाई ३६ करोड ५९ लाख विनियोजन गरिएको छ । ऋषिङले समानीकरण अनुदानतर्फ १० करोड ३७ लाख, सशर्त अनुदानतर्फ  २४ करोड ६१ लाख, विशेष अनुदानतर्फ ७६ लाख र समपूरक अनुदानतर्फ  ८५ लाख पाउनेछ । 

घिरिङ गाउँपालिकालाई २८ करोड २९ लाख विनियोजन गरिएको छ । घिरिङले समानीकरण अनुदानतर्फ आठ करोड ७८ लाख, सशर्त अनुदानतर्फ  १८ करोड ८१ लाख र समपूरक अनुदानतर्फ ७० लाख पाउनेछ । 

देवघाट गाउँपालिकालाई ३३ करोड ७० लाख विनियोजन गरिएको छ । देवघाटले समानीकरण अनुदानतर्फ आठ करोड ३२ लाख, सशर्त अनुदानतर्फ २३ करोड ८२ लाख, विशेष अनुदानतर्फ ८६ लाख र समपूरक अनुदानतर्फ ७० लाख पाउनेछ । 

म्याग्दे गाउँपालिकालाई ३० करोड ६५ लाख विनियोजन गरिएको छ । म्याग्देले समानीकरण अनुदानतर्फ नौ करोड ९२ लाख, सशर्त अनुदानतर्फ १८ करोड ६३ लाख, विशेष अनुदानतर्फ  एक करोड ४० लाख र समपूरक अनुदानतर्फ  ७० लाख पाउनेछ । 

बन्दीपुर गाउँपालिकालाई ३२ करोड ६८ लाख विनियोजन गरिएको छ । बन्दीपुरले समानीकरण अनुदानतर्फ नौ करोड छ लाख, सशर्त अनुदानतर्फ २० करोड सात लाख, विशेष अनुदानतर्फ  एक करोड ५० लाख र समपूरक अनुदानतर्फ एक करोड ७५ लाख पाउनेछ ।