सबै कुरा

कुलमानलाई हटाउन सरकारले साेध्याे स्पष्टीकरण,यी हुन् आराेपहरु

सिधाकुरा

सोमबार, पुस २२, २०८१

कुलमानलाई हटाउन सरकारले साेध्याे स्पष्टीकरण,यी हुन् आराेपहरु

काठमाडौँ । सरकारले नेपाल विद्युत प्राधिकरणका कार्यकारी निर्देशक कुलमान घिसिङलाई हटाउन स्पष्टीकरण सोधेको छ । सोमबार ऊर्जा मन्त्रालयले घिसिङलाई तपाईंलाई किन बर्खास्त नगर्ने भन्दै सात दिने स्पष्टीकरण सोमबार सोधेको हो।

Watch On

उर्जा मन्त्रालयका सचिव सुरेश आचार्यले कुलमानलाई पठाएको स्पष्टीकरणमा ‘तपाईंको नियुक्ति किन अन्त्य नगर्ने ?’ भनी सोधिएको छ । ‘मन्त्रालय र प्राधिकरणका कार्यकारी निर्देशकबीच भएको कार्य सम्पादन मूल्याङ्कन सम्झौताको दफा १० (३) बमोजिम कार्य सम्पादन मूल्याङ्कन नै गर्न नसकिने अवस्था सिर्जना भएकाले सोही दफा बमोजिम तपाईँको नियुक्ति किन अन्त्य नगर्ने ? यो पत्र प्राप्त गरेको सात दिनभित्र चित्तबुझ्दो जवाफ प्राप्त हुन नआएमा कानुनबमोजिम तपाईं उपर थप प्रक्रिया अगाडि बढाइने ब्यहोरा यस मन्त्रालयको मिति २०८१/०९/२२ को निर्णय अनुसार जानकारी गराइन्छ’ स्पष्टीकरणमा भनिएको छ ।

स्पष्टीकरण पत्रमा प्राधिकरण सञ्चालक समितिका बैठकहरूमा समेत सरकारी निकायको कार्यकारी प्रमुखको हैसियत भुलेर पटक पटक असहयोग भूमिका खेल्ने गरेको, सामान्य विषय वस्तुमा समेत विवाद गर्ने गरेको, पदीय मर्यादाविपरीतका कार्य गर्ने गरेको र मन्त्रालयको निर्देशनलाई अवज्ञा गरेको आरोप लगाइएको छ ।

प्रकाशित मिति: सोमबार, पुस २२, २०८१

प्रतिक्रिया दिनुहोस्