सबै कुरा

तिब्बत भूकम्पले रसुवा र सोलुखुम्बुमा असर गरेको हो ?

सिधाकुरा

मंगलबार, पुस २३, २०८१

तिब्बत भूकम्पले रसुवा र सोलुखुम्बुमा असर गरेको हो ?

काठमाडौँ । तिब्बतमा गएको भूकम्पको धक्का डर लाग्ने गरी आफूहरूले पनि महसुस गरेको रसुवा र सोलुखुम्बुका अधिकारीहरूले बताएका छन् ।

नेपालको तिब्बतसँग सिमाना जोडिएका दुवै जिल्लाका प्रमुख जिल्ला अधिकारीहरूले सिधाकुरासँग कुरा गर्दै भूकम्पको धक्का निकै ठूलो र डरलाग्दो भएको तर भौतिक र मानवीय क्षतिको विवरण अहिलेसम्म नपाइएको बताए ।

सोलुखुम्बुका प्रमुख जिल्ला अधिकारी अनोजकुमार घिमिरेको भूकम्पको धक्का निकै ठूलो भएको बताए । उनकाअनुसार हालसम्म जिल्लाका कुनै पनि ठाउँमा भूकम्पका कारण मानवीय र भौतिक क्षति नभएको पनि उनले बताए ।

जिल्लाका सबै सुरक्षा संयन्त्र भूकम्पको असर बुझ्न परिचालन भएको प्रजिअ घिमिरेको बताए । भूकम्प निकै ठूलो थियो, धक्का सबैले महसुस गर्यौं, उनले सिधाकुरासँग भने, अहिलेसम्म कुनै मानवीय र भौतिक क्षति भएको सूचना छैन् ।

यता, रसुवाका प्रमुख जिल्ला अधिकारी अर्जुन पौडेलले पनि भूकम्पको धक्का ठूलै महशुुस गरे पनि कुनै प्रकारको क्षति बिहान साढे ८ बजेसम्म नोटिस नभएको पौडेलले बताए ।

जिल्लाका सबै सुरक्षा संयन्त्रसँग संवादमा रहेको भन्दै उनले हालसम्म त्यस्तो कुनै भौतिक र मानवीय क्षतिको सूचना नपाइएको र सबै कुरा नियमित भएको बताए ।

प्रकाशित मिति: मंगलबार, पुस २३, २०८१

प्रतिक्रिया दिनुहोस्