सबै कुरा

थुनछेकको आदेश अघि रविले भने ‘सरकारले प्रतिशोधपूर्ण मुद्दा लगायो, न्याय पाउँ श्रीमान् ’

सिधाकुरा

बिहीबार, पुस २५, २०८१

थुनछेकको आदेश अघि रविले भने ‘सरकारले प्रतिशोधपूर्ण मुद्दा लगायो, न्याय पाउँ श्रीमान् ’

काठमाडौँ । राष्ट्रिय स्वतन्त्र पार्टी (रास्वपा) का सभापति रवि लामिछानेले आफूमाथि गलत ढङ्गले मुद्दा लगाइएको भन्दै न्यायलयबाट स्वतन्त्र र निष्पक्ष आदेश हुनु पर्ने माग गरेका छन् ।

Watch On

बिहीबार कास्की जिल्ला अदालतमा थुनछेक बहसको आदेश हुनु अघि प्रतिवादीलाई बोल्न न्यायाधीश नितिज राईले समय दिएका थिए । सो क्रममा ५ मिनेट समय पाएर बोलेका लामिछानेले आफूलाई सरकारले प्रतिशोधपूर्ण मुद्दा लगाएको भन्दे न्यायको माग गरे ।

‘सरकारले प्रतिशोधपूर्ण मुद्दा लगायो, न्याय पाउँ श्रीमान्’ लामिछानेको भनाई उदृत गर्दै स्रोतले सिधाकुरासँग भन्यो । सहकारी पीडितको पक्षमा काम गर्दा गर्दै र सहकारी समस्या समाधानका लागि काम गरिरहेको अवस्थामा आफूमाथि अन्यायपूर्ण ढङ्गबाट मुद्दा दायर गरिएको लामिछानेले न्यायाधीश राईलाई बताए ।

‘संसदीय समितिको छानबिन प्रतिवेदन एकातिर, सरकारको निर्णय अर्कोतिर र मुद्दा अर्कोतर्फको भयो,’ लामिछानेको भनाई उदृत गर्दै स्रोतले भन्यो, ‘म न्यायिक प्रक्रियालाई सघाउँछु मलाई बाहिरै बसेर मुद्दा लड्ने आदेश होस् ।’

लामिछानेले आफू र आफ्नो पार्टीले सहकारीको समस्या समाधानका लागि अध्यायन गरेर सरकारलाई प्रस्ताव नै बुझाएको स्मरण पनि गराए ।

प्रकाशित मिति: बिहीबार, पुस २५, २०८१

प्रतिक्रिया दिनुहोस्