सबै कुरा

न्यायाधीशलाई रविले भने ‘श्रीमान् प्रक्रिया नपुगी अदालत आएको मुद्दा खारेज गरियोस् ’

सिधाकुरा

बुधबार, माघ २, २०८१

न्यायाधीशलाई रविले भने ‘श्रीमान् प्रक्रिया नपुगी अदालत आएको मुद्दा खारेज गरियोस् ’

काठमाडौँ । राष्ट्रिय स्वतन्त्र पार्टीका सभापति रवि लामिछानेले आफ्नो विरुद्धको मुद्दा खारेज योग्य भएको बताएका छन् । कालिमाटीको स्वर्णलक्ष्मी सहकारी प्रकरणमा उनी विरुद्धको मुद्दाको काठमाडौँ जिल्ला अदालतमा जारी थुनछेक बहस सकिएपछि समय माग गर्दै लामिछानेले प्रक्रिया नपुगी आफूमाथि आरोपित गरेर मुद्दा ल्याइएको भन्दै मुद्दा नै खारेजीको माग गरे ।

Watch On

जिल्ला न्यायाधीश माधवप्रसाद अधिकारीको इजलासमा बुधबार थुनछेक बहस सकिए पछि लामिछानेले केही कुरा राख्न भन्दै समय माग गरेका थिए ।

त्यसपछि न्यायाधीश अधिकारीले रविलाई बोल्न समय दिएका थिए । प्रक्रियागत त्रुटीका कारण अनागरिक भएको आफू नै जिउँदो नजिर साक्षी रहेको भन्दै लामिछानेले यो मुद्दामा पनि प्रक्रिया नपुगेको भन्दै खारेजभागी रहेको बताए । ‘श्रीमान् म एउटा नजिर पेश गर्छु । म जिउँदो नजिर हुँ । एउटा कागजी प्रक्रिया नपुग्दा कसैलाई हानी नगर्दा म अनागरिक भएको हुँ,’ लामिछानेले भने,‘ यो मुद्दामा पनि प्रक्रिया पुगेको छैन् र यो मुद्दा खारेज होस् श्रीमान् ।

उनी विरुद्धको मुद्दाको थुनछेक बहस सकिएको र केही बेरमा थुनछेकको आदेश हुने जिल्ला अदालत काठमाडौँले जनाएको छ ।

प्रकाशित मिति: बुधबार, माघ २, २०८१

प्रतिक्रिया दिनुहोस्