उर्जामन्त्री दिपक खड्काले भने 'मन्त्रालयमै ममाथि हातपात भयाे,सुरक्षाकर्मी समयमा आएनन्’

काठमाडौँ । ‘गत शुक्रबार साँझ ६ बजे मन्त्रालयबाट निस्कदैँ गर्दा भर्‍याङमै ममाथि गोरखाका एक पोखरेल थरका व्यक्तिले हातपात प्रयास गरे,मन्त्रालयमै सुरक्षाकर्मी समयमा आएनन्’ उर्जामन्त्री दिपक खड्काले गृहमन्त्री रमेश लेखकलाई गरेको गुनासो हो यो । 

Watch On

बिहीबार बिहान पार्टी सभापति शेरबहादुर देउवाले सरकारमा सहभागी कांग्रेसका मन्त्रीहरुलाई निजी निवास बुढानीलकण्ठ बोलाएर मन्त्रीहरुको पर्फमेन्सबारे कक्षा नै लिएका थिए । बैठकमा सहभागी एक कांग्रेस मन्त्रीका अनुसार सभापति देउवाका अघि आफै विवादको शिखरमा उभिएका उर्जामन्त्री खड्काले गृहमन्त्री लेखको भुमिका बारे प्रश्न गर्दै सोधका थिए,‘किन मन्त्रालयमै सुरक्षा व्यवस्था कमजोर भयो?’

ति मन्त्रीका अनुसार खड्काको प्रश्न नसकिदैँ गृहमन्त्री लेखकले,‘शुक्रबारकाे घटना बल्ल आज भन्ने, मलाई समयमै किन भन्नुभएन त’ भन्दै उल्टै प्रश्न गरेका थिए । त्यसपछि आफ्नो बोलि सच्याउँदै मन्त्री खड्काले घटना सामान्य भएकाले जानकारी नगराए पनि सबैजना सचेत रहन आग्रह गर्दछु भनेका थिए ।

उर्जा मन्त्रालय स्रोतका अनुसार पत्रकार बनेर मन्त्रीको कार्यकक्षमा पुगेका ति व्यक्ति गोरखाको अजिरकोट गाउँपालिका ५, मुच्चोकका हरि पोखरेल थिए । उनी २०७९ को निर्वाचनमा गोरखा क्षेत्र २(ख) बाट गण्डकी प्रदेशसभा सदस्यको स्वतन्त्र उम्मेदवार बनेका थिए ।