गाजा युद्धबिराम आजदेखि सुरु, विपिन दोस्रो चरणमा रिहा हुने आशा

इजरायल र हमासबीचको युद्धविराम सम्झौता आजदेखि कार्यान्वयन सुरु हुँदैछ । इजरायलले हमासँगको युद्धविराम गर्ने सहमति शुक्रबार मन्त्रिपरिषदबाट अनुमोदन गरेसँगै पहिलो चरणका प्रक्रिया सुरु भएको हो । सम्झौता अनुसार पहिलो चरणमा हमासले छाड्ने एक बन्धक बराबर इजरायलले ३० कैदी रिहा गर्नुपर्ने छ ।

रोयर्टसका अनुसार सम्झौता अनुसारनै आइतबार(आज) हमासले बन्धक बनाएका तीन इजरायली महिलालाई बन्धनमुक्त गर्ने छ । यस्तै इजरायलले पनि हमासका ९० जान प्प्यालेस्टिनी कैदी रिहा गर्ने छ । सम्झौताको ४२ दिनमा हमासले ३३ जना बन्धक रिहा गर्नुपर्ने छ । तर सम्झौता भन्दा तलमाथि भएको खण्डमा गाजामा पुन आक्रमण गर्ने धम्की इजरायलका प्रधानमन्त्री बेन्यामिन नेतन्याहुले दिइसकेका छन् । 

सम्झौत अनुसार दुबै पक्षबाट रिहा हुनेहरुलाई रेडक्रसको सहयोगमा आफ्नो देश पुर्याइने रोयर्टसले जनाएको छ । यस्तै हमासका नियन्त्रणमा रहेका १ इजरायली सैनिकलाई मुक्त गर्दा इजरायलले ५० जना प्यालेस्टिीन कैदी रिहा गर्नुपर्ने छ । 

अहिले एक एक सातामा बन्धक तथा कैदी मुक्त गर्ने सहमती भएको छ । दोस्रो पटक हमासले ४ जना बन्धकमुक्त गर्दा सोहि अनुसार इजरायलले प्यालेस्टिनी कैदी मुक्त गर्नुपर्ने छ । 

साथै यो ४२ दिनभित्रै युद्धविराको दोस्रो चरणको सम्झौता अघि बढाउनु पर्ने सर्त समेत राखिएको छ । यो कार्यन्वयन नभएको खण्डमा फेरी गाजामा आक्रमण हुने इजरायलले चेतावनी दिइरहेको छ । 

साथै यो अवधिमा इजरायली सैनिक गाजाबाट नर्फीएपनि वस्तिबाट भने बाहिरिनु पर्ने भनिएको छ । ४२ दिनपछि हुने दोस्रो चरणको युद्धविरा कार्यान्वयन भएको खण्डमा गाजामा दिगो शान्ति घोषणा गर्ने र हमासले बाँकी भएका बन्धकहरू रिहा गर्ने सम्झौतामा उल्लेख छ। साथै इजरायली सबै सैनिक गाजा क्षेत्रबाट फर्कीने छन् । 

त्यसपछि सुरु हुने तेस्रो चरणको युद्धविराममा गजामा मारिएका इजरायली बन्धक र इजरायलमा मारिएका प्यालेस्टिनी लडाकुको शव एक अर्कालाई फर्काइने छ। त्यसपछि गजामा पुनःनिर्माण योजना कार्यान्वयन गरी इसराइल र गजाको सीमाना खुला गरिने सम्झौतापत्रमा उल्लेख छ।

यस्तै हमासको कब्जामा रहेका नेपाली विद्यार्थी विपीन जोशी, युद्धविराको दोस्रो चरणमा  छुट्ने आशा नेपाली पक्षले गरेको छ । पहिलो चरणमा इजरायली महिला छाड्ने गरि नाम समेत सार्वजनिक भैसकेको छ । 

यस अघि इजयारयल तथा विदेशी नियोगहरुका अनुसार विपीन जोशी शकुसल रहेको केहि आधारहरु प्राप्त भएकाले दोस्रो चरणको युद्धविराममा उनी रिहा हुने आशा गरिएको हो ।