सबै कुरा

संसदमा पुगेका विधेयक फिर्ता नगरी अध्यादेश ल्याएकोबारे सरकारसँग कुरा गर्न सभामुखलाई बिपक्षी दलहरुको सुझाव

सिधाकुरा

आइतबार, माघ १३, २०८१

संसदमा पुगेका विधेयक फिर्ता नगरी अध्यादेश ल्याएकोबारे सरकारसँग कुरा गर्न सभामुखलाई बिपक्षी दलहरुको सुझाव

काठमाडौँ । संघीय संसदमा रहेका बिपक्षी दलहरुले संसदमा पुगेका विधेयक फिर्ता नै नगरी अध्यादेश ल्याएको बिषयमा सरकारसँग कुरा गर्न सभामुखलाई सुझाव दिएका छन् ।

Watch On

आइतबार सिंहदरबारमा सभामुख देवराज घिमिरेले बोलाएको छलफलका क्रममा बिपक्षी दलका प्रमुख सचेतकहरुले संसदको अर्थ समितिमा छलफलमा रहेको विधेयक फिर्ता नै नगरि अध्यादेश ल्याएको बिषयमा सरकारसंग कुरा गर्न सभामुखलाई सुझाव दिएका हुन् ।

छलफलपछि नेकपा माओवादी केन्द्रका प्रमुख सचेतक हितराज पाण्डेले सरकारले संसद्लाई रेस्पोन्स नगरेको र संसद्को समितिमा रहेको विधेयकमा पनि अध्यादेश आएकोबारे सभामुखसंग छलफल भएको बताए ।

विधेयक फिर्ता नलिई अध्यादेश ल्याएकोबारे सभामुखले पनि सरकारसँग कुरा गर्नुपर्ने सुझाव दिएको उनले बताए । बैठकमा सभामुख घिमिरेले बिचाराधीन विधेयकका बारेमा पनि जिज्ञासा राखेका । पाण्डेले सत्तापक्षका सांसदहरूका कारण समितिमा रहेका विधेयकहरू अघि बढ्न नसकेको बताए ।

त्यस्तै रास्वपा प्रमुख सचेतक सन्तोष परियारले सदनको हिँउदे अधिवेशनलाई प्रभावकारी बनाउने बिषयमा छलफल भएको जानकारी दिए ।

उनले आगामी अधिवेशनलाई कानून निर्माणमा केन्द्रीत गर्न सभामुखले गर्नुभएको पहल स्वागतयोग्य रहेको बताए ।

प्रकाशित मिति: आइतबार, माघ १३, २०८१

प्रतिक्रिया दिनुहोस्