सबै कुरा

सरकारका कारण सम्पूर्ण व्यवस्थामाथि नै प्रश्न खडा हुने अवस्था आयाे : रास्वपा

सिधाकुरा

सोमबार, माघ १४, २०८१

सरकारका कारण सम्पूर्ण व्यवस्थामाथि नै प्रश्न खडा हुने अवस्था आयाे : रास्वपा

काठमाडौँ । राष्ट्रिय स्वतन्त्र पार्टीले वर्तमान सरकारका कारण सम्पूर्ण व्यवस्थामाथि नै प्रश्नचिन्ह खडा हुने अवस्था सिर्जना भएको निष्कर्ष निकालेको छ ।

पार्टी कार्यालय वनस्थलीमा सोमबार बसेको रास्वपा सचिवालय बैठकले सरकारको असक्षमताका कारण सम्पूर्ण व्यवस्थामाथि नै प्रश्नचिन्ह खडा हुने अवस्था सिर्जना भएको र त्यसको सत्ता साझेदार दलले नैतिक जिम्मेवारी लिनुपर्ने निष्कर्ष निकालेको हो ।

विगत ६ महिनामा गठबन्धन निर्माणको घोषित उदेश्य अनुरुप कुनै पनि नजिता नदेखिएको अवस्थामा संसद अघि हतास मनस्थितिमा काम देखाउन सरकारले अध्यादेश ल्याएको रास्वपाको ठहर छ ।

बैठकले अध्यादेशका अन्र्तवस्तुगत सारमाथि रास्वपा सांसदहरुले गुण–दोषका आधारमा खरो बहस गर्ने निर्णय भएको रास्वपा कार्यबहाक प्रवक्ता प्रतिभा रावलले जानकारी दिइन् ।

बैठकले केन्द्रीय सचिवालय सदस्यको नेतृत्वमा आगामी फागुन महिनामा सातै प्रदेशमा सर्वाङ्गीण सवांद गर्ने निर्णय गरेको छ ।

त्यस्तै बैठकले प्रदेश समितिलाई प्रदेश तहमा तीन सदस्यीय कार्यदल बनाइ सम्बन्धीत प्रदेशभित्रका स्वतन्त्र जनप्रतिनिधहरुलाई रास्वपामा आवद्ध गर्न गराउन सुझाव सहितको प्रतिवेदन पार्टी महामन्त्रीलाई बुझाउन निर्देशन दिने निर्णय गरेको छ ।

प्रकाशित मिति: सोमबार, माघ १४, २०८१

प्रतिक्रिया दिनुहोस्