सबै कुरा

बिरामी बोकेर काठमाडौँतर्फ आउँदै गरेको सुमो ओखलढुङ्गामा दुर्घटना, एकै परिवारका ३ जनाको मृत्यु

सिधाकुरा

बिहीबार, माघ १७, २०८१

बिरामी बोकेर काठमाडौँतर्फ आउँदै गरेको सुमो ओखलढुङ्गामा दुर्घटना, एकै परिवारका ३ जनाको मृत्यु

काठमाडौँ । ओखलढुङ्गामा सुमो दुर्घटनामा परि ३ जनाको मृत्यु भएको छ । खोटाङबाट बिरामी बोकेर काठमाडौँतर्फ आउँदै गरेको टाटा सुमो ओखलढुङ्गामा दुर्घटना भएको हो ।

Watch On

खोटाङबाट काठमाडौँतर्फ आउँदै गरेको ना १ ज ६४२१ नम्बरको सुमो मानेभञ्ज्याङ–७ भडारे खोलामा दुर्घटना भएको जिल्ला प्रशासन कार्यालय ओखलढुङ्गाका सूचना अधिकारी अनुप पौडेलले सिधाकुरालाई जानकारी दिए । पौडेलका अनुसार बिहिबार बिहान करिब ८ बजेको समयमा सो ठाउँमा सुमो दुर्घटना भएको खबर नजिकैको प्रहरीलाई प्राप्त भएपछि त्यहाँ पुग्दा ३ जनाको शवसहित दुर्घटनाग्रस्त अवस्थामा सुमो फेला परेको हो ।

दुर्घटनामा परि मृत्यु हुनेमा खोटाङको केपिलासगढी गाउँपालिका बस्ने ५६ वर्षीया मायादेवी गुरुङ, उनका २८ वर्षीय छोरा पुजन गुरुङ र खोटाङकै रुपाकोट मझुवागढी नगरपालिका १२ बस्ने ३५ वर्षीया तारा गुरुङ रहेको जिल्ला प्रशासन कार्यालय ओखलढुङ्गाले जनाएको छ । उनीहरु तीनै जना एकै परिवारका रहेको प्रशासनले जनाएको छ ।

त्यस्तै दुर्घटनास्थलमा जिल्ला प्रहरी कार्यालयबाट समेत प्रहरीहरुको परिचालन भएको तर हालसम्म चालक सम्पर्कविहिन रहेको सूचना अधिकारी पौडेलले बताए । सो सुमो कुन समयमा दुर्घटना भएको भन्ने विषयमा अुनसन्धान भइरहेको छ ।

प्रकाशित मिति: बिहीबार, माघ १७, २०८१

प्रतिक्रिया दिनुहोस्