सबै कुरा

नेपालमा नास्तिकता फैलाउन ५ लाख डलर खर्च गरिएको अमेरिकी सांसदको आरोप

सिधाकुरा

मंगलबार, माघ २२, २०८१

नेपालमा नास्तिकता फैलाउन ५ लाख डलर खर्च गरिएको अमेरिकी सांसदको आरोप

काठमाडौँ । अमेरिकाका एक सांसदले नेपालमा नास्तिकता फैलाउन ५ लाख डलर खर्च भएको आरोप लगाएका छन् । फ्लोरिडाबाट जितेका रिपब्लिकन सांसद ब्रायन मास्टले अमेरिकी राष्ट्रपति जो बाइडेन प्रशासनले नेपालमा नास्तिकता फैलाउन ५ लाख डलर खर्च गरेको आरोप लगाएका हुन् ।

अमेरिकाको विदेश मामिला समितिका सभापतिसमेत रहेका सांसद मास्टले सीबीएसको ‘फेस द नेसन’मा मार्गरेट ब्रेननसँगको अन्तवार्तामा सो आरोप लगाएका हुन् । उनले भनेका छन्, ‘नेपालमा नास्तिकता फैलाउन आधा मिलियन डलर खर्च भएको छ ।’

त्यस्तै उनले कोलम्बियामा ट्रान्सजेन्डर अपरेसनमा ५० हजार अमेरिकी डलर, पेरूमा एलजीबीटीक्यू सम्बन्धमा ४७ हजार अमेरिकी डलर, इक्वेडरमा ड्र्याग शोहरूमा २० हजार अमेरिकी डलर खर्च भएको उदाहरण पनि प्रस्तुत गरेका छन्।

त्यसो त सांसद मास्टले यो विवादास्पद अभिव्यक्ति पहिलोपटक दिएका भने होइनन् । मास्टले गत चैतमा समेत नेपालमा धार्मिक आस्थामा विश्वास नराख्ने मानिसहरुका लागि उक्त रकम किन खर्च गरियो भन्दे संसदमै प्रश्न उठाएका थिए । त्यस्तै उनले गत सेप्टेम्बरमा सो विषयलाई लिएर अमेरिकी संसदमा विदेश मामिला समितिसमक्ष औपचारिक पत्र नै लेखेका थिए ।

प्रकाशित मिति: मंगलबार, माघ २२, २०८१

प्रतिक्रिया दिनुहोस्