सबै कुरा

एउटै कामलाई सरकारमा रहदा राम्रो भन्ने र निस्केपछि गलत भन्ने प्रवृत्ति अन्त्य हुनुपर्छः गगन थापा

सिधाकुरा

शनिबार, माघ २६, २०८१

एउटै कामलाई सरकारमा रहदा राम्रो भन्ने र निस्केपछि गलत भन्ने प्रवृत्ति अन्त्य हुनुपर्छः गगन थापा

काठमाडौँ । नेपाली कांग्रेसका महामन्त्री गगन कुमार थापाले अहिलेको सरकारलाई तीन बर्ष सहज ढंगले चल्न दिनुपर्ने बताएका छन् ।

Watch On

शनिबार काठमाडौंमा अर्घाखाँची–काठमाडौं सम्पर्क समितिको प्रथम अघिवेशनमा बोल्दै महामन्त्री थापाले तीन बर्षसम्म अहिलेको सरकारलाई चल्न दिनुपर्ने र यस अवधिको सम्पूर्ण जिम्मेवारी कांग्रेस र एमालेले लिनुपर्ने बताए ।

उनले यसअघि चलेका संयुक्त सरकारले गरेका कामको जिम्मेवारी कसैले लिन नखोज्दा जनतामा अन्यौलता देखिएको धारणा राखे । सरकारमा रहदा राम्रो भन्ने र त्यसबाट बाहिर निस्कदा आफै संलग्न रहेको सरकारले गरेका कामलाई नराम्रो भन्ने प्रवृतिको अन्त्य हुनुपर्ने उनको भनाइ छ । महामन्त्री थापाले पटक पटक गठबन्धनको सरकार बन्ने र सरकारले गरेका कामको जिम्मा नलिने कुरालाई तोड्न सक्नुपर्ने बताए । अबको तीन बर्षमा देखिने गरि काम गर्ने र त्यसलाई लिएर ८४ को निर्वाचनमा जनतामाझ जाने अवस्था सिर्जना गर्न सक्नुपर्ने उनको भनाई छ ।

महामन्त्री थापाले संघीयताका बिषयमा बेठिक कुरा हुने गरेको भन्दै अहिले समस्या प्रदेशमा नभई संघमा देखिएको जिकिर गरे । तीन तहको सरकारले एक–अर्काको अधिकार खोस्ने काम गर्न नहुने उनले बताए ।

प्रकाशित मिति: शनिबार, माघ २६, २०८१

प्रतिक्रिया दिनुहोस्