उडिसा घटनाबारे सरकारले कुटनीतिक पहल गरिरहेको छः प्रधानमन्त्री

Watch On

काठमाडौँ । प्रधानमन्त्री केपी शर्मा ओलीले भारतको ओडिसास्थित कलिंगा इन्स्टिच्युट अफ इन्डस्ट्रियल टेक्नोलोजी (केआईआईटी) विश्वविद्यालयको घटनामा आफूलाई जानकारी भएको बताएका छन् । उनले उक्त विषयमा सरकारले कुटनीतिक पहल गरिरहेको बताएका छन् ।

उनले भने, ‘भारतको ओडिसास्थित कलिंगा इन्स्टिच्युट अफ इन्डस्ट्रियल टेक्नोलोजी (केआईआईटी) विश्वविद्यालयको होस्टेलमा एकजना नेपाली छात्राको मृत्यु भएको र नेपाली विद्यार्थीलाई होस्टेलबाट जबर्जस्ती निकालेको कुरा मिडिया र सामाजिक सञ्जाल मार्फत जानकारीमा आएको छ । यस विषयमा सरकारले कुटनीतिक तवरले बुझ्दै सम्पर्कमा रहेर काम गरिरहेको छ।’ 

केआईआईटी विश्वविद्यालयमा बि टेक सिएससी तेस्रो सेमेस्टरमा अध्ययनरत २१ वर्षीय नेपाली छात्र प्रकृति लम्साल मृत भेटिएकी थिइन् । उनीमाथि सोही कलेजमा अध्ययनरत एक युवकले दुव्र्यवहार गर्ने गरेको खुलेको छ । उनको मृत्युपछि नेपाली विद्यार्थीहरुले न्यायको माग गर्दै शान्तिपूर्ण प्रदर्शन गरेका थिए । विश्वविद्यालयले सूचना नै जारी गरी सबै नेपाली विद्यार्थीलाई बलजफ्ती कलेजबाट निकालेको छ । सयौँ नेपाली बिद्यार्थीहरु अहिले भातरको बिभिन्न रेलवेस्टेसनमा अलपत्र छन् । उक्त विश्वविद्यालयमा करिब १५ सय नेपाली विद्यार्थीहरु अध्ययनरत रहेको बताइएको छ । 

सम्बन्धित समाचार : 

उडिसा घटनाबारे सरकारले कुटनीतिक पहल गरिरहेको छः प्रधानमन्त्री