सबै कुरा

केबलबार निर्माणको विरोधमा पाथिभरासम्म राजेन्द्र महतोको पदयात्रा

सिधाकुरा

बिहीबार, फागुन ८, २०८१

केबलबार निर्माणको विरोधमा पाथिभरासम्म राजेन्द्र महतोको पदयात्रा

काठमाडौँ । केबलबारको विरोधमा राष्ट्रिय मुक्ति पार्टी नेपालका अध्यक्ष राजेन्द्र महतोले ताप्लेजुङमा पदयात्रा गरेका छन् । उनले ताप्लेजुङको फुङ्लिङ नगरपालिकाबाट पाथिभारा मन्दिरसम्म पदयात्रा गरेका हुन् ।

Watch On

ताप्लेजुङको मुकुम्लुङ क्षेत्रमा निर्माण गर्न लागिएको केबलकार परियोजना गलत भएको र त्यसले संस्कृति मास्ने भन्दै उनी पार्टीका नेता नेताहरुसहित पदयात्रामा निस्किएका हुन् । उनले विकासका नाममा पाथिभरामा संस्कार, संस्कृति र धार्मिक आस्था मास्ने प्रयास भएको आरोप लगाएका छन् ।

त्यस्तै उनले नेपाल सरकारलाई सो क्षेत्रमा केबलकार परियोजना रोक्न माग गरेका छन् । ‘यहाँ बनाउने भनिएको केबलकारले यहाँको धार्मिक सम्पदा विनास गर्छ । पहिचान र सभ्यता नष्ट गर्ने विकास हामीलाई चाहिँदैन । सरकारले यो कुरा सुनोस र तत्काल केबलकार बनाउन रोक लगाओस्’, नेता महतोले भने ।

त्यस्तै उनले मुकुम्लुङमा स्थानीयमाथि बल प्रयोग भएमा सह्य नहुने र जबसम्म केबलकार निर्माण कार्य बन्द हुँदैन, तबसम्म आफूहरुको सङ्घर्ष जारी रहने बताएका छन् । सरकारले आफूहरुलाई पेलेर जाने प्रयास गरे आफूहरु आन्दोलनका कार्यक्रम थप चर्काइने चेतावनी दिएका छन् ।

महतो सहभागी भएको पदयात्रामा ३ सय भन्दा बढी नेता, कार्यकर्ता र स्थानीयको सहभागी थियो ।

प्रकाशित मिति: बिहीबार, फागुन ८, २०८१

प्रतिक्रिया दिनुहोस्