समाज

४३ देशका नागरिकलाई अमेरिका यात्रामा प्रतिबन्ध लगाउने ट्रम्पको तयारी, नेपाल कुन सूचीमा ?

सिधाकुरा

शनिबार, चैत २, २०८१

४३ देशका नागरिकलाई अमेरिका यात्रामा प्रतिबन्ध लगाउने ट्रम्पको तयारी, नेपाल कुन सूचीमा ?

अमेरिकी अखबार द न्युयोर्क टाइम्सका अनुसार अमेरिकाले ४३ देशका नागरिकलाई यात्रा प्रतिबन्ध लगाउने तयारी गरेको छ । ट्रम्प प्रशासनका अधिकारीहरूले यात्रा प्रतिबन्ध लगाइने ४३ देशको सूची तयार गरिरहेको भनेर न्युयोर्क टाइम्सले लेखेको छ ।

Watch On

उनीहरुले यात्रा प्रतिबन्ध लगाउनुपर्ने कारणमा लेखिएको विवरण पर्याप्त छ वा छैन भन्ने विषयको पुनरावलोकन गरिरहेका छन्। सूची अनुसार लागू भए ४३ देशका नागरिकहरूले अमेरिका यात्रा गर्न पाउने छैनन्। यद्यपि उक्त सूचीलाई रातो, सुन्तला र पहेँलो गरी तीन भागमा विभाजन गरिएको छ।

रातो सूचीमा परेका देशका नागरिकहरुलाई पूर्ण रूपमा यात्रा प्रतिबन्ध लगाइने छ । सुन्तला रङको सूचीमा रहेका देशहरूमा आंशिक प्रतिबन्ध लगाइनेछ । त्यस्ता देशका नागरिकहरूलाई आप्रवासी वा पर्यटक भिसामा यात्रा गर्ने पाउने छैनन्। धनी र व्यवसायिक यात्रुहरू भने जान पाउनेछन्।

पहेँलो सूचीमा रहेका देशहरूलाई सुरक्षा लगायतका मापदण्ड पूरा गर्नका लागि ६० दिनको समय दिइएको न्युयोर्क टाइम्सले जनाएको छ। अहिलेसम्म सार्वजनिक भएको सूचीमा नेपालको भने नाम देखिएको छैन ।

गत जनवरीमा ट्रम्पले राष्ट्रपतिको कार्यभार सम्हालेपछि सुरक्षा जाँच प्रक्रियामा कमजोर देशहरूको सूची तयार गर्न कार्यकारी आदेश जारी गरेका थिए।

रातो सूचीमा ११ देश:

अफगानिस्तान

भुटान

क्युबा

इरान

लिबिया

उत्तर कोरिया

सोमालिया

सुडान

सिरिया

भेनेजुयला