विद्यार्थीको हैन, आफ्नै टाउको फुटाएर कुन गुट बलियो छुट्याइयोस : सुमना श्रेष्ठ

सिधाकुरा

बुधबार, चैत ६, २०८१

विद्यार्थीको हैन, आफ्नै टाउको फुटाएर कुन गुट बलियो छुट्याइयोस : सुमना श्रेष्ठ

काठमाडौँ । पूर्व शिक्षामन्त्री समेत रहेकी राष्ट्रिय स्वतन्त्र पार्टीकी सांसद सुमना श्रेष्ठले विश्वविद्यालयमा स्ववियुका नाममा भइरहेको झगडालाई लिएर संसदमा आक्रोश पोखेकी छिन् । स्ववियुका नाममा एक महिनादेखि विश्वविद्यालय बन्द गराउने र विद्यार्थीहरुलाई कुटपिटमा उतार्ने काम भएको भन्दै आक्रोश व्यक्त गरेकी हुन् ।

Watch On

यस्तो छ सुमना श्रेष्ठले संसदमा दिएको अभिव्यक्तिः
स्ववियुको नाममा दलहरुको जुन ताण्डव भइरहेको छ, यो के गर्नुभएको ? आफ्नो गुट उपगुटलाई बचाउन, कोही सभापति बन्न, कोही महामन्त्री बन्न, कोही सभापति बन्न विद्यार्थीहरुको दुरुपयोग भइरहेको छ सभामुख महोदय । विश्वविद्यालयमा तालाबन्दी छ, त्यही भएर एक महिना भयो क्याम्पसहरुमा राम्रोसँग पढाई भएको छैन । विद्यार्थीहरुले पढ्ने हक सुनिश्चित गर्न, गृहमन्त्रीले शिक्षामन्त्रीलाई, शिक्षामन्त्रीले गृहमन्त्रीलाई देखाएर पन्छिने हैन । म यस विषयमा प्रधानमन्त्रीलाई समेत ध्यानाकर्षण गराउन चाहान्छु र भन्छु, विद्यार्थीहरुको पढ्ने हक सुनिश्चित गरियोस्, हैन भने यहाँ एउटा रेस्लिङ म्याच खेल्नका लागि लगाइयोस् । विद्यार्थीहरुको टाउको फुटाउन लगाउने हैन, आफ्नै टाउको फुटाएर कुन गुट बलियो, निर्क्रयाैल गरियोस् ।