समाज

कुलमान हटाएको विरोधमा माओवादी केन्द्रका जनवर्गीय संगठनको प्रदर्शन

सिधाकुरा

मंगलबार, चैत १२, २०८१

कुलमान हटाएको विरोधमा माओवादी केन्द्रका जनवर्गीय संगठनको प्रदर्शन

काठमाडौँ । कुलमान घिसिङलाई पदबाट हटाउने सरकारको निर्णयको विरोध गर्दै नेकपा माओवादी केन्द्रका जनवर्गीय संगठन र मोर्चाले काठमाडौँमा प्रदर्शन गरेको छ । घिसिङलाई पदबाट हटाउने निर्णय जनविरोधी भएको भन्दै वाइसिएल लगाएतका माओवादी जनवर्गीय संगठन र मोर्चाले काठमाडौंमा विरोध प्रदर्शन गरेका हुन् ।

Watch On

प्रदर्शनमा सहभागीहरुले ‘अध्यारोको रक्षक: कुशलको भक्षक’, ‘ओलीको सरकार बिचौलियाको मतियार’, ‘कुशल व्यवस्थापक कुलमान घिसिङलाई बर्खास्त गर्न पाईदैन’ लगायतका प्लेकार्डसहित नारावाजी गरेका थिए ।

माओवादी केन्द्रका नेता रामप्रसाद सापकोटा दीपशिखाले वर्तमान सरकारले एकपछि अर्को जनविरोधीका काम गर्दै अघि बढेकाले सरकारबिरुद्ध प्रदर्शन गरिएको जानकारी दिए ।

कुलमानलाई बर्खास्त गरेर वर्तमान सरकार प्रतिगमनतर्फ उन्मुख भएकाले त्यसका विरुद्ध सडकमा आउनुपरेको उनले बताए ।

उनले कुलमानको बर्खास्ती खारेजीको माग गर्दै सरकारले माग पुरा नगरे चरणबद्ध कार्यक्रमको घोषणा गरेर अघि बढ्ने चेतावनी दिए ।

उनले कुलमानकै कारण मुलुकबाट बिजुली बेच्ने अवस्था सिर्जना भएको उल्लेख गरे । दीपशिखाले राज्यले एकपछि अर्को गलत काम गर्दै गए आन्दोलन थेग्न नसक्ने उल्लेख गरे ।

प्रकाशित मिति: मंगलबार, चैत १२, २०८१

प्रतिक्रिया दिनुहोस्