समाज

आगलागी भएको सेन्टर प्लाजामा उद्धारका लागि सेनाको हेलिकोप्टर पुग्यो, १६ जनाको उद्धार

सिधाकुरा

बुधबार, चैत १३, २०८१

आगलागी भएको सेन्टर प्लाजामा उद्धारका लागि सेनाको हेलिकोप्टर पुग्यो, १६ जनाको उद्धार

इटहरी (सुनसरी), १३ चैतः इटहरी बजारको मुख्यचोकमा रहेको १० तले व्यावसायिक भवनमा भएको आगलागीमा फसेकाहरुको उद्धारका लागि नेपाली सेनाको हेलिकप्टर पुगेको छ। अहिलेसम्म भवनभित्रबाट आगलागीमा फसेका १६ जनाको उद्धार भएको सुनसरी प्रहरीले जनाएको छ ।

Watch On

भवनमा एक्कासि आगो लागेपछि भवनभित्र रहेका मानिसलाई बाहिर ल्याउने र आगो निभाउने काम भइरहेको छ । भवनको बीच भागमा आगो लागेकाले माथिल्लो तलाबाट उद्धार कार्य भइरहेको तथा भवनभित्र फसेका छन् ।

आगो लागेको सूचना पाउनासाथ नेपाली सेना, सशस्त्र प्रहरी बल, नेपाल प्रहरीसहित स्थानीय बासिन्दा उद्धार कार्यमा जुटिरहेका छन् । बिहान करिब ९ः३० बजे भवनको पाँचौँ तलामा आगो लागेपछि अहिले ग्यासका सिलिण्डर पड्किरहेको र फसेका मानिसलाई डोरीको सहायताबाट बाहिर ल्याउने काम भइरहेको छ ।
भवन भित्र होटल वरन्डा, वरन्डा रेस्टुरेन्ट, क्युएफेक्स सिनेमा हल, सनराई बैक तथा अन्य साना पसलहरु पनि छन् । अहिले होटल तथा रेस्टुरेन्टमा रहेका मानिसहरु आगोमा फसेको प्रहरीले जनाएको छ ।

भवनभित्र फसेका मानिसको सकुशल उद्धारसहित यथासक्य छिटो आगो नियन्त्रण गर्न सघाउ पुर्याउने उद्देश्यले अहिले नेपाली सेनाको हेलिकोप्टर त्यसतर्फ पठाइएको गृहमन्त्रालयले जनाएको छ ।

प्रकाशित मिति: बुधबार, चैत १३, २०८१

प्रतिक्रिया दिनुहोस्