समाज

गृहमन्त्रीद्वारा तीनकुने क्षेत्रको निरीक्षण, दोषीलाई कारबाही गर्ने प्रतिवद्धता

सिधाकुरा

शनिबार, चैत १६, २०८१

गृहमन्त्रीद्वारा तीनकुने क्षेत्रको निरीक्षण, दोषीलाई कारबाही गर्ने प्रतिवद्धता

काठमाडौँ । गृहमन्त्री रमेश लेखकले राजवादीको प्रदर्शनका क्रममा भएको घटनाको छानबिन गरी दोषीलाई कारबाही गर्ने प्रतिवद्धता जनाएका छन् ।

Watch On

शनिबार राजावादीले आगजनी, तोडफोड र लुटपाट गरेको काठमाडौंको तीनकुने, कोटेश्वरलगायतका क्षेत्रमा अनुगमन गर्दै गृहमन्त्री लेखकले राजावादीहरुले अपराधिक चरित्र देखाएको भन्दै घटनाको अनुसन्धान गरेर दोषीलाई कारवाही गर्ने स्पष्ट पारेका हुन् ।

गृहमन्त्री लेखकले सुरक्षा निकायका अधिकारीसहित तीनकुनेमा भएको आगजनी, बिभिन्न सञ्चारगृहमा भएको तोडफोडका साथै नेकपा एकीकृत समाजवादीको कार्यालयमा भएको तोडफोड एवं क्षतिको निरीक्षण गर्नुभएको थियो । उहाले शुक्रबार भएको घटनाको राजनीतिक आदर्श, मूल्यमान्यतासंग कुनै साइनो नरहेको उल्लेख गरे । राजवादीले छानिछानी आगजनी, तोडफोड र लुटपाटको नियोजित घटना घटाएकाले दोषीलाई कारबाही गर्ने उनले बताए ।

शुक्रबार राजावादीहरुले काडमाडौँका बिभिन्न स्थानमा आगजनी, तोडफोडका साथै लुटपाट गरेका थिए । राजावादीहरूको आन्दोलनका क्रममा एक जना पत्रकारसहित दुई जनाको मृत्यु भएको छ ।

प्रकाशित मिति: शनिबार, चैत १६, २०८१

प्रतिक्रिया दिनुहोस्