काठमाडौँ । काठमाडौंको टोखास्थित झोरमा ट्रकमा भेटिएको २५ करोड बराबरको डलर र युरोको मालिकको सिन्धुपाल्चोकका नारायण पौडेल भएको खुलेको छ । राजश्व अनुसन्धान विभागका अनुसार सिन्धुपाल्चोक भोटेकोशी ५ स्थायी ठेगाना भएका उनी काठमाडौको टोखा नगरपालिका १० महादेवटार  बस्दै आएका छन् । विभाग स्रोतका अनुसार अहिलेसम्मको अनुसन्धानबाट उनलेनै कुसान लामा फुच्चेलाई २५ करोड दिएको पाइएको छ । 

Watch On

लामाले पौडेलको बारेमा केहि नखुलाएपछि अन्ति पटक उनैसँग कुराकानी भएको देखिएको र बैंकिक कारोबार समेत अस्वभाविक देखिएको छ। पौडेलेको घर, कारोबार स्थल, गोदाममा खानतलासी गरी ती क्षेत्रको सीसीटिभी फुटेज समेत बरामद गरेको विभागले जनाएको छ । 

गत चैत ४ गते  अपराधन अनुसन्धान महाशाखाले काठमाडौ टोखाबाट ना ७ ख १६५२ नम्बरको ट्रकमा लुकाएर चीन तर्फ जान लागेका  सिन्धुपाल्चोकका ४३ वर्षीय कुसान लामालाई पक्राउ गरेको थियो ।

उनको साथमा अमेरिकी डलर १ सय दरका नोटहरू ३ हजार १ सय १९, अमेरिकी डलर ५० दरका नोटहरू १७९, युरो ५ सय दरका थान ११, युरो २ सय दरका थान, ४८०, युरो सय दरका थान ४ हजार १४८, युरो ५० दरका थान १७ हजार १७७ र मोबाइल २ थान बरामद गरिएको थियो । मालिक पत्ता लगाएसँगै अदालतबाट पक्राउ पुर्जी लिई उनलाई पक्राउ गर्न प्रहरीलाई पत्राचार गरिसकेको विभागले जनाएको छ ।