नेताका कुरा

भाटभटेनी लुटपाटमा संलग्न भनिएका डा. राज कुमार राई पार्टीबाट तीन महिनाअघि नै अलग्गिएका थिएः रास्वपा

सिधाकुरा

बिहीबार, चैत २१, २०८१

भाटभटेनी लुटपाटमा संलग्न भनिएका डा. राज कुमार राई पार्टीबाट तीन महिनाअघि नै अलग्गिएका थिएः रास्वपा

काठमाडौँ । राष्ट्रिय स्वतन्त्र पार्टीले राजावादीहरूको आन्दोलनका क्रममा चोरी र लुटपाटमा रास्वपाका नेता संलग्न भएको भन्ने समाचारमा सत्यता नभएको जनाएको छ । रास्वपाले केही मिडियामा प्रस्तुत समाचार र सामाजिक सञ्जालमा आएका विभिन्न पोस्टप्रति पार्टीको गम्भीर ध्यानाकर्षण भएको समेत जनाएको छ ।

Watch On

रास्वपा केन्द्रीय संगठन विभागले एक विज्ञप्ती गर्दै खोटाङका डा. राज कुमार राई, भगवती रोका लगायतका व्यक्तिहरु विगत करिब ३ महिना अगाडि देखिनै राष्ट्रिय स्वतन्त्र पार्टीबाट अलग भएको स्वघोषणा गरेको जानकारी गराएको छ ।

‘हाल कुनै जिम्मेवारीमा नरहेका कुरा स्पष्ट गरिएको छ । उनीहरु रास्वपाका विभिन्न महत्वपूर्ण पदमा रहेको भनी मिडियामा आएकोले उक्त कुरामा कुनै सत्यता नभएको र भ्रमपूर्ण रहेको जानकारी यसै विज्ञप्तिद्वारा सबै आमसञ्चारमाध्यमहरुमा जानकारी गराइन्छ ।’ विज्ञप्तीमा भनिएको छ ।

त्यस्तै कानुन उल्लंघन गर्ने जो सुकै मानिस कानुनको दायरामा आउनुपर्ने र पार्टी भित्रका पनि चाहे जुनसुकै पद र मर्यादामा बसेका भए पनि पार्टीको तर्फबाट कानुनलाई पूर्ण सहयोग हुने कुरामा पार्टी प्रतिबद्ध रहेको विज्ञप्तीमा उल्लेख छ ।

प्रकाशित मिति: बिहीबार, चैत २१, २०८१

प्रतिक्रिया दिनुहोस्