‘सत्ता तपाईँको होला देश हाम्रो पनि हो, बेलैमा जिम्मेवार बन्नुस्’ : मनिष झा

काठमाडौँ । राष्ट्रिय स्वतन्त्र पार्टीले सरकारको रवैया प्रति गम्भीर आफ्नो गम्भीर सरोकार रहेको जनाएको छ। पार्टीका कार्यवाहक प्रवक्ता मनिष झाले भिडियो सन्देशमार्फत सत्ता भएकालाई समस्या जटिल हुनु भन्दा पहिले नै गम्भीर र जिम्मेवार बन्न आग्रह गरेका हुन् । 

Watch On

पछिल्ला दिनमा शिक्षकहरु सडकमा रहेको्, कर्मचारीहरु पनि आन्दोलनको संघारमा रहेको तथा व्यापारीहरु आफ्नो ब्यापारको बारेमा चिन्तित रहेको उल्लेख गर्दै ‘यो सबैमा सरकार के गरिराखेको छ ?’ भनी प्रश्न गरे । ‘प्रधानमन्त्री बिभिन्न ठाउँमा कार्यकर्ता भेला गरेर उखान टुक्का सुनाईरहनुभएको छ । संभवतः उहाँहरुसरकार यसरी नै चलाइन्छ भनेर सोच्नुहुन्छ होला । तर सरकार यसरी चल्दैन ।’ उनले भने । 

उनले शिक्षकहरुको न्यायोचित माग सम्बोधनको लागि सदनमा आवाज उठाउन केन्द्रीय समितिले निर्देशन दिएको बताउँदै त्यसको तयारी भईरहेको बताए । 

विश्व जगत अमेरिकाले अभ्यास गरिरहेको कर नीतिको  विषयमा गभ्मीर सरोकार राखेर पुनर्विचार गर्न पहल गरिरहेको र आफ्नो व्यापार वृद्धिको लागि पहल गरिरहेको उल्लेख गर्दै हाम्रो उद्योगमन्त्री भने चुरोट र रक्सीको लाइसेन्स विक्रिमा व्यस्त भएको आरोप समेत लगाए ।

उनले सरकार गभर्नर नियुक्तिको रुमल्लिएको आरोप पनि लगाए । ‘एक महिना अगाडि हुनुपर्ने गभर्नर नियुक्तिको लागि गठित समितिले एउटा पनि बैठक आयोजना गरेको छैन । पहल पनि गरेको छैन ।’ झाले भने, ‘यसमा सत्तामा रहेको २ ओटा दलको सहमति जुट्न सकेको छैन । र बिभिन्न विचौलियाहरु सक्रिय भईराखेका छन् ।’
उनले यो सबै विषयमा रास्वपाले सरोकार राख्ने बताएका छन् । ‘सत्ता तपाईँको होला, देश हाम्रो पनि हो ।’ राज्यमा तपाईँ हुनुहुन्छ होला राज्यको अंग हामी पनि हौँ । त्यसैले गर्दा हाम्रो गम्भीर सरोकार छ, सबैलाई गम्भिर भईदिन अनुरोध गर्न चाहन्छौँ । 

उनले हिजो भारतको कश्मिरमा भएको आतंकवादी हमलामा नेपालका सुदीप न्यौपानेको मृत्यु भएको घटनामा नेपाल र भारतमा रहेका दुई देशका दूतावास, पराराष्ट्र मन्त्रालय, तथा सरकारको ध्यानाकर्षण गराउँदै आवश्यक पहल गर्न आह्वान गरेका छन् ।