समाज

तत्काल सरकार छोड्दैनौँ : रञ्जिता श्रेष्ठ

सिधाकुरा

शुक्रबार, वैशाख २६, २०८२

तत्काल सरकार छोड्दैनौँ : रञ्जिता श्रेष्ठ

काठमाडौँ । नागरिक उन्मुक्ति पार्टीकी अध्यक्ष रञ्जिता श्रेष्ठले जनमत पार्टीसँग छिटै पार्टी एकता हुने बताएकी छिन् ।

Watch On

शुक्रबार संसद भवन नयाँ बानेश्वरमा सञ्चारकर्मीसँग कुरा गर्दै अध्यक्ष श्रेष्ठले जनमत पार्टीका अध्यक्ष सीके राउतको व्यस्तताका कारण एकतामा केहि ढिलाई भएको भन्दै छिटै पार्टी एकता हुने बताएकी हुन् । ‘पार्टीको पूर्वनिर्धारित कार्यक्रमका कारण सीके राउत काठमाडौँ बाहिर रहनुभएकाले अहिले ठोस छलफल गर्न पाएका छैनौँ ।’, उनले भनिन्, ‘उहाँ काठमाडौं फर्किएपछि दुई पार्टीबीच छलफल गरेर एकताको मिति तय गर्छौँ ।’

अध्यक्ष श्रेष्ठले रेशम चौधरीलाई पक्राउ गरेको बिषयमा गृहमन्त्रीले सदनमा दिएको जवाफ सन्तोषजनक रहेको उल्लेख गरिन् । सञ्चारकर्मीले सरकार छोड्नुहुन्छ कि के गर्नुहुन्छ भन्ने प्रश्नमा उनले आफूहरु तत्काल सरकार नछाड्ने बताइन् । उनले भनिन्,‘ गृहमन्त्रीले जवाफ दिएपछि सन्तुष्ट नै छौँ हामी । सरकार छोड्ने कुरा गृहमन्त्रीले जवाफ नदिएको भए छुट्टै कुरा थियो । हामीले भनेअनुसार नै उहाँले समयमै जवाफ दिनुभएको छ । त्यही भएर अहिले नै सरकार छोड्ने कुरा छैन ।’

यसअघि नागरिक उन्मुक्तिले रेशम चौधरीलाई पक्राउ गरेको बिषयमा गृहमन्त्रीको जवाफ नआए सरकार छाड्ने चेतावनी दिएको थियो ।

प्रकाशित मिति: शुक्रबार, वैशाख २६, २०८२

प्रतिक्रिया दिनुहोस्