समाज

गर्भनर पद कुनै पार्टीको हुँदैन, सत्तारुढ दलभित्र मतभेद छैन: महेश बर्तौला

सिधाकुरा

शुक्रबार, वैशाख २६, २०८२

गर्भनर पद कुनै पार्टीको हुँदैन, सत्तारुढ दलभित्र मतभेद छैन: महेश बर्तौला

काठमाडौँ । नेकपा एमालेका प्रमुख सचेतक महेश बर्तौलाले राष्ट्र बैंकको गभर्नर नियुक्तिका बिषयमा सत्तारुढ दलभित्र कुनै मतभेद नरहेको बताएका छन् ।

Watch On

शुक्रबार संसद भवन बानेश्वरमा सञ्चारकर्मीसँग कुरा गर्दै बर्तौलाले गभर्नर नियुक्तिमा केहि ढिलाइ भएपनि यस बिषयलाई लिएर सत्तारुढ दलभित्र कुनै मतभेद नरहेको बताएका हुन् । ‘गभर्नर नियुक्तिको विषय छलफलकै प्रक्रियामा छ ।’, उनले थपे, ‘सरकारले जतिसक्दो छिटो भन्दा छिटो गभर्नरको विषय निष्कर्षमा पुर्याउँछ । गभर्नरको विषयलाई लिएर सत्तारढ दलहरुबिच कुनै असमझदारी भएको छैन । केही दिनभित्रै तपाईँहरुले गभर्नर नियुक्त गरेको समाचार पाउनुहुन्छ ।’

उनले केहिदिनभित्रै नियमित प्रक्रियाबाट सरकारले गभर्नर नियुक्त गर्ने दावी गरे । गभर्नर भन्ने पद कुनै दलको नहुने भन्दै उनले सरकारले उपयुक्त पात्रलाई उपयुक्त समयमा नियुक्त गर्ने बताए ।

फरक प्रसङ्गमा बर्तौलाले संविधान विपरित गतिविधि गर्ने जोकोहीलाई पनि कानूनी दायरामा ल्याउनुपर्ने उल्लेख गरे ।

प्रकाशित मिति: शुक्रबार, वैशाख २६, २०८२

प्रतिक्रिया दिनुहोस्