समाज

भारतको ‘अपरेसन सिन्दूर’ विरुद्ध पाकिस्तानको ‘अपरेसन बुन्यान अन मार्सुस’

सिधाकुरा

शनिबार, वैशाख २७, २०८२

भारतको ‘अपरेसन सिन्दूर’ विरुद्ध पाकिस्तानको ‘अपरेसन बुन्यान अन मार्सुस’

पाकिस्तानले भारतविरुद्ध औपचारिक कारबाही थालेको बताएको छ । पाकिस्तानी सरकारले एक विज्ञप्ती जारी गर्दै भारतविरुद्ध ‘अपरेसन बुन्यान अन मार्सुस’ थालिएको जनाएको हो ।

Watch On

यस अघि भारतमाथि भएको आक्रमणमा आफ्नो हात नगरेको दाबी गर्दै आएको पाकिस्तानले अहिले भने औपचारिकरुपमा आक्रमण गर्ने घोषणा गरेको हो ।

अपरेसन बुन्यान अन मार्सुस अन्तर्गत भारतका प्रमुख सैन्य प्रतिष्ठानलाई लक्षितगरि आक्रमण गरिने छ ।

पाकिस्तानी सरकारले जारी गरेको विज्ञप्तिअनुसार, जवाफी अपरेसन बुन्यान अन मार्सुसको एक भागका रूपमा ‘उपयुक्त जवाफ’का लागि भारतका प्रमुख सैन्य प्रतिष्ठानलाई निशाना बनाइएको हो।

‘यो कारबाही भारतको सुरुवाती हमलाको जवाफमा गरिरहेका छौँ, जुन हाम्रो मातृभूमि, जनता र सार्वभौमसत्तामाथिको आक्रमण थियो’विज्ञप्तिमा भनिएको छ ।

साथै भारतले शुक्रबार राति पनि पाकिस्तानका तीन वायुसेना हवाई अड्डामा क्षेप्यास्त्र हानेको दाबी गरिएको छ ।
जम्मु कश्मीरको पहलगाममा अप्रिल २२ का दिन भएको आतंकवादी हमलामा २६ जना मारिएपछि पाकिस्तानलाई दोष दिँदै भारतले उसविरुद्ध ‘अपरेसन सिन्दूर’ कारबाही चलाइरहेको छ ।

प्रकाशित मिति: शनिबार, वैशाख २७, २०८२

प्रतिक्रिया दिनुहोस्