मनिष झा को प्रश्नः चोरलाई चोर भन्न नपाउने ?

काठमाडौँ । राष्ट्रिय स्वतन्त्र पार्टीका सांसद मनिष झाले मृहमन्त्रीकै नेतृत्वमा भिजिट भिसा प्रकरणको लुटतन्त्र चलेको बताएका छन् । संसद बैठकका क्रममा बोल्दै उनले आफूहरुमाथि चोरलाई किन चोर भनिस् भन्ने आरोप लागेको बताए । 

उनले भिजिट भिसा प्रकरणमा मानब तस्करी सम्बन्धी विषयमा मृहमन्त्री कर्मचारी सबैको संलग्नता रहेको एथेस्ट प्रमाण सहित संलग्नता प्रमाणित भएको समेत बताए । ‘अहिले आएर सबै छानबिन गछौँ भन्दै हुनुहुन्छ–२०८१ कात्तिकदेखि २०८२ बैशाखसम्म अख्तियार दुरुपयोग अनुसन्धान आयोगले गृह मन्त्रालयलाई ९ चोटी पत्र काटेको छ–यहाँ बदमासी भईराखेको छ, ध्यान देउ भनेर । त्यो बेला यो इमान्दारिता कहाँ थियो ? जुन आज कागजमा लेखिदैछ । जब अख्तियारले धावा बोल्ने बेला भयो तब आफ्ना कर्मचारीहरुलाई जोगाउनको लागि रातरात किन तानियो ?’  उनले भने । 

त्यस्तै उनले राजनीतिक प्रभावका कराण आफ्ना नेता (रवि लामिछाने)को ठाउँसारी समेत रोकिएको बताए । उनले हिन्दी भाषाको कविता प्रस्तुत गर्दै आफूहमाथि चोरलाई किन चोर भनेको भनेर आरोप लागेको बताए । ‘राजनीतिक प्रभावका कारण हाम्रा नेताको सरुवा रोकियो । र उहाँहरुले के भन्नुभयो थाहा छ ?– हमपे इल्जाम ए हे कि चोरको क्यु चोर काहा ? तु ने क्यु सही बात कही ? काहे न कुछ और काहा ? के हामी जनप्रतिनिध भएर भईरोखेको मानव तस्करीको बारेमा पनि बोल्न नपाउने ? ' उनले प्रश्न गरे । 

उनले यो सबै गृहमन्त्रीको नेतृत्वमा भएको लुटतन्त्र बताए । १८ दिनदेखि ११ वटा बैठक अवरोधका क्रममा साथ दिएकोमा आभार व्यक्त गरेका छन् । उनले सन्तोषजनक जवाफ नपाएसम्म, उच्चस्तरीय छानबिन समिति नबनेसम्म र ठगीएका नागरिकले उचित न्याय नपाएसम्म आफ्नो आन्दोलन जारी रहने बताए ।