घरमा पैसा भेटिएको भिडियोबारे देउवाको दाबी (पूर्णपाठ)

नेपाली कांग्रेसका सभापति शेरबहादुर देउवा र उनकी पत्नी जेनजी आन्दोलनको ३५ दिन पछि सार्वजनिक भए । मङ्गलबार पार्टीको केन्द्रिय कार्यालय सानेपामा आयोजित केन्द्रिय समिति बैठकमा उनी पत्नी एवम् कांग्रेस केन्द्रिय सदस्य डा आरजु राणासहित सहभागी भए। 

देउवा दम्पती २४ भदौको जेनजी आन्दोलनका क्रममा बुढानीलकण्ठ नगरपालिका १ स्थित आफ्नै घरमा प्रर्दशनकारीबाट कुटिएका थिए । प्रर्दशनकारीले घर घेरेर लुकेको अवस्थामा शौचालयमा फेलापारि देउवा दम्पतीलाई घरबाहिर निकालेर कुटपिट गरेका थिए । 

आन्दोलनकारीले सुरक्षाकर्मीको जिम्मा लगाएपछि उनीहरूको विभत्स अवस्थामा हेलिकप्टरबाट उद्धार भएको थियो । घरबाट लखेटिँदा परराष्ट्रमन्त्री राणा पदमै बहाल थिइन ।

आन्दोलनबाट दपेटिए पछि देउवालाई कांग्रेसको नेतृत्व छोड्न तीब्र दबाब थियो भने उनको घरमा जलेको अवस्थामा भेटिएको पैसाबारे जवाफ दिनु अनिवार्य नै थियो । सिधाकुराले देउवाको घरमा जलेको पैसाबारे गरेको एक्सक्लुसिभ रिर्पोटिङ सार्वजनिक गरेको थियो ।       

बैठकमा आफ्नो भनाई राख्ने क्रममा देउवाले भदौ २३ र २४ गतेको आन्दोलन र सो आन्दोलनका क्रममा घरमा जेलेको पैसाको बचाउ उनले गरे । उनले आफ्नो घरमा पैसा भएको भनी आर्टिफिसिएल इन्टिलिजेन्सबाट फोटो भिडियो बनाएको दाबी समेत गरे।

देउवाले घरमा जलेको पैसाबारे के भनेका थिए । यहाँ हामीले देउवाले केन्द्रिय समिति बैठकमा बोलेको पैसा जलेको घटनाबारेको भनाई जस्ताको त्यस्तै उतारेका छौँ ।
‘त्यो फेक भिडियो हो । अहिले हटाएको छ । बाहिरबाट मेरो घर, धेरै पहिले काम गर्ने, फेक भिडियो बनाएर मेरो खिलाफमा प्रचार गरेको कुरा सामाजिक सञ्जाल र विदेशी उसमा पनि आइसकेको छ।

मेरो घरको र त्यसका भिडियोहरूमा, विदेशी भिडियोहरू चोरेर काटेर  ल्याएर मेरोमा हालिदिएछ । यसलाई के नाम भन्छ रे के नाम रु ९ दर्शक दीर्घाबाट एआई भनिन्छ० अँ एआई । एआई, एआई, एआई चाँहि स्पष्ट भइसकेको छ । मेरो खिलाफमा षड्यन्त्र गर्ने काम भइरहेको छ । यसको छिटो छानबिन होस् ।’