समाज

राष्ट्रिय स्वतन्त्र पार्टीलाई देशको पहिलो शक्ति बनाउन एकीकरणको निर्णय गर्यौँः विवेकशील साझा पार्टी

सिधाकुरा

बुधबार, मंसिर १०, २०८२

राष्ट्रिय स्वतन्त्र पार्टीलाई देशको पहिलो शक्ति बनाउन एकीकरणको निर्णय गर्यौँः विवेकशील साझा पार्टी

राष्ट्रिय स्वतन्त्र पार्टी (रास्वपा) सँग पार्टी एकता गर्ने निर्णय विवेकशील साझा पार्टीले गरेको छ। सो पार्टीको आज बसेको केन्द्रीय समिति बैठकले पार्टी उपाध्यक्ष एवं संवाद समितिका संयोजक प्रकाशचन्द्र परियारको वैकल्पिक राजनीतिक दलबीचको बृहत्तर धुव्रिकरण र एकीकरण प्रस्तावलाई सर्वसम्मत अनुमोदन गर्दै यस्तो निर्णय गरेको हो ।

Watch On

‘वैकल्पिक राजनीतिक शक्तिको अपरिहार्यताको महसुस भइरहेको वेला नवयुवाहरुको आन्दोलन, जेनजी विद्रोहले विवेकशील साझा पार्टी र राष्ट्रिय स्वतन्त्र पार्टीबीचको एकीकरणलाई तीव्रत्तर बनाई दियो’ विवेकशीलका वार्ता संयोजक एवं उपाध्यक्ष प्रकाशचन्द्र परियारको भनाई उदृत गर्दै प्रवक्ता आशुतोष प्रधानले जारी गरेको विज्ञप्तिमा भनिएको छ,‘ निर्वाचनमा पहिलो शक्ति भएर नेपाली जनताको विकास, समृद्धि र सुशासनको उत्कृष्ट चाहनालाई परिणाममुखी बनाउने राजकीय दायित्वलाई सफल बनाउने प्रतिवद्धताका साथ एकीकरणको निर्णय गरिएको हो ।’

पार्टी एकीकरणका अन्य प्राविधिक सवालहरू दुवै दलका नेतृत्वहरूको उच्च समझदारीको जगमा चाँडै सहमतिमा टुङ्ग्याईने विवेकशीलले जनाएको छ।
आगामी आइतबार राष्ट्रिय सभागृहमा एकता घोषणा कार्यक्रम हुने पनि सो पार्टीले जनाएको छ।

प्रकाशित मिति: बुधबार, मंसिर १०, २०८२

प्रतिक्रिया दिनुहोस्