नेताका कुरा

बालेनको क्षेत्रमा पुगेर रवि लामिछानेले भने– न्याय माग्न आएको हुँ

तपाईँहरुले मत दिनुस्, रास्वपाले प्रधानमन्त्री दिँदैछ

सिधाकुरा

मंगलबार, फागुन १२, २०८२

बालेनको क्षेत्रमा पुगेर रवि लामिछानेले भने– न्याय माग्न आएको हुँ

झापा । राष्ट्रिय स्वतन्त्र पार्टीका सभापति रवि लामिछानेले देश नै अन्यायमा परेका बेला न्याय माग्न आफू झापा ५ आएको बताएका छन् ।

चुनावी कार्यक्रम अन्तर्गत आज झापा ५ पुगेका सभापति लामिछानेले झापा ५ ले देशकै लागि न्याय गर्नुपर्ने बताए । ‘म झापा ५ मा भोट माग्न आएको होइन, न्याय माग्न आएको हुँ, न्याय पाउनका लागि एउटा युग पर्खिनुपर्छ अन्यायमा म पनि परेको छु, तर, मेरो न्याय माग्न आएको होइन, देश नै अन्यायमा परेको छ, देशकै लागि न्याय माग्न आएको हुँ।’

Watch On

सभापति लामिछानेले झापा ५ का मतदातालाई फरक इतिहास लेख्न आग्रह गरे । ‘झापा ५ ले फरक इतिहास लेख्नुपर्ने छ, म यसमा विश्वस्त छु, तपाईँहरुले त्यो इतिहास लेख्नु हुनेछ।’

सभापति लामिछानेले झापा ५ बाट निर्वाचित हुने रास्वपाका उम्मेदवारलाई पार्टीले प्रधानमन्त्रीका रुपमा अघि सारेको स्मरण गराए । तपाईँहरुले मत दिनुस्, रास्वपाले प्रधानमन्त्री दिँदैछ– लामिछानेले भने । झापा ५ बाट निर्वाचित व्यक्ति संसारकै कान्छो प्रधानमन्त्री बन्ने पनि उनले स्पष्ट पारे ।

झापा ५ मा रास्वपाबाट वरिष्ठ नेता बालेन शाह उम्मेदवार छन्। सभापति लामिछाने झापाबाट अहिले सुनसरीको इटहरी जाँदैछन् । इटहरीमा आयोजना हुने सभालाई सभापति लामिछाने र वरिष्ठ नेता शाहले सम्बोधन गर्ने कार्यक्रम छ।

प्रकाशित मिति: मंगलबार, फागुन १२, २०८२

प्रतिक्रिया दिनुहोस्