बालबालिका मार्ने र सिंहदरबार जलाउने एउटै हुन्ः रवि लामिछाने

चितवन । राष्ट्रिय स्वतन्त्र पार्टीका सभापति रवि लामिछानेले बालबालिकामाथि गोली चलाउनेहरुले नै सिंहदरबार जलाएको दाबी गरेका छन् ।

आज चितवनको गेस्टहाउस चौरमा आयोजित परिवर्तन उद्घोष सभालाई सम्बोधन गर्दै सभापति लामिछानेले भने– ‘पहिले ताकी ताकी टाउकोमा गोली हानियो, त्यसपछि संरचना चलेको हो, सिंहदरबार त्यसैले जलाएको हो जसले सिंहदरबारलाई भ्रष्टाचारको अखडा बनायो, सिंहदरबार जलाउने र बालबालिकालाई गोली ठोक्ने एउटै मानिसहरु हुन्, अरु कोही पनि होइनन्।’

Watch On

सभापति लामिछानेले अब रास्वपाले थपे– ‘हामी मुलुकलाई समुन्नतिको बाटोमा लैजान्छौं, सुशासनको नयाँ मानक बनाउँछौं, अन्तर्राष्ट्रिय सम्बन्धलाई नयाँ उचाईमा लैजान्छौं, हामी मागिखाने होइन गरिखाने बनाउँछौं, मागेर होइन गरेर देशलाई धनी बनाउँछौं।’

लामिछानेले अब जे गरिन्छ, मतपत्रमा गरिन्छ भन्दै सबैलाई घण्टीमा मतदान गर्न आग्रह गरे । उनले आफू पुग्न नसकेका ठाउँ र घरमा पुगेर मत मागिदिन सभामा सहभागी समर्थकहरुलाई आग्रह गरे। इतिहासले मागेको कुरा नेतृत्वले दिन सक्नुपर्छ, परिवर्तनका लागि घण्टीमा भोट हालिदिनुस्, देश हामी बनाउँछौं’ लामिछानेले भने ।

सोही सभामा लामिछानेले आफूविरुद्ध प्रमाण छ भन्नेहरुलाई पनि जवाफ दिए । ‘ममाथि प्रमाण छ भनिएको आज ६५८ दिन भएछ, चाहिएन प्रमाण भइगो, अन्तिम इच्छा सोधिएको पनि धेरै दिन भएछ, हाम्रो अन्तिम इच्छा फागुन २१ गते मतपत्रमा देखाइदिनु होला, मेरो यत्ति आग्रह छ’ उनले भने।