कांग्रेसको १५औं महाधिवेशन भदौमा

काठमाडौँ । नेपाली कांग्रेसका सभापति गगन थापाले आगामी भदौमा पार्टीको १५औं महाधिवेशन गर्न प्रस्ताव गरेका छन् ।

राजीनामा अस्वीकृत भएपछि पार्टीको केन्द्रीय समिति बैठकमा सहभागी सभापति थापाले आज पन्ध्रौं महाधिवेशनको कार्यतालिका प्रस्ताव गरेका हुन् । विधानतः विशेष महाधिवेशन भएको एक वर्षभित्र नियमित महाधिवेशन हुनुपर्छ ।

Watch On

थापा गत पुस अन्तिम साता भएको विशेष महाधिवेशनबाट कांग्रेसको सभापति चुनिएका थिए ।

कांग्रेसको जारी केन्द्रीय समिति बैठकले पन्ध्रौं महाधिवेशनको मिति टुंगो लगाउने कांग्रेसका नेताहरुले बताएका छन् । थापाको प्रस्ताव अनुसार पन्ध्रौं महाधिवेशनको कार्यतालिका आउँदो बैशाख १ मा सुरु हुने छ । थापाले मिति प्रस्ताव गरे पनि स्थान भने प्रस्ताव गरेका छैनन् ।

कांग्रेस अधिवेशनको तालिका 
१. क्रियाशील सदस्यता नवीकरण र वितरण– वैशाख १ देखि मसान्तसम्म 

२. केन्द्रबाट क्रियाशील सदस्यता छानबिन– असार १५ गते

३. क्रियाशील सदस्यता सूची निर्वाचन समितिलाई बुझाउने– असार मसान्त

४. गाउँ, नगर वडा अधिवेशन– साउन ६ गते

५. गाउँ–नगरपालिका अधिवेशन– साउन १२ गते

६. प्रदेश सभा क्षेत्र अधिवेशन– साउन २३ गते

७. प्रतिनिधि सभा क्षेत्र अधिवेशन–साउन ३० गते

८. जिल्ला अधिवेशन– भदौ ६ र ७ गते

९. प्रदेश अधिवेशन– भदौ १५ र १६ गते

१०. केन्द्रीय महाधिवेशन– भदौ २४ देखि २६ गतेसम्म