जाँचबुझ आयोगको प्रतिवेदन निन्दनीय र खेदजनक रहेको ओलीको तर्क

काठमाडौँ । नेकपा एमाले अध्यक्ष केपी शर्मा ओलीले भदौ २३ र २४ को घटनासम्बन्धी जाँचबुझ आयोगको प्रतिवेदन निन्दनीय र खेदजनक रहेकाले स्वीकार नगर्ने बताएका छन् ।

बिहीबार एमाले पार्टी कार्यालय च्यासलमा पार्टीका प्रतिनिधिसभा तथा राष्ट्रिय सभा सदस्यहरुसंगको छलफल कार्यक्रममा अध्यक्ष ओलीले आयोगको प्रतिवेदन पूर्वाग्रह ढंगले आएको भन्दै स्वीकार्य नभएको स्पष्ट पारेका हुन् । उनले आयोगको प्रतिवेदन चरम लापरबाही, चरित्र हत्या र घृणाको राजनीति गर्ने खालको रहेको उल्लेख गरे ।

Watch On

घटनामा उपस्थीति नै नरहेको तत्कालिन प्रधानमन्त्री अर्थात आफुबिरुद्ध फौजदारी अभियोगअन्तर्गत छानबिन गर्न र मुद्दा चलाउन सिफारिस गर्नु उचित नभएको उनको भनाइ छ । त्यस्तै अध्यक्ष अ‍ोलीले निर्वाचन परिणामबारे धेरै टिप्पणी गर्ने बेला नभएपनि निर्वाचन परिणाम अनपेक्षित, अस्वभाविक, अपत्यारिलो र जादुमय रहेको टिप्पणी गरेको थिए ।

एमालेप्रति कुप्रचारका साथै गम्भीर प्रहार भएपनि त्यसको डटेर सामान गर्न नसकिएको उल्लेख गरे । अहिले देश विषम परिस्थीतिमा रहेकाले जिम्मेवार भएर प्रभावकारी भूमिका निर्वाह गर्न सांसदहरुलाई निर्देशन समेत दिए । उनले आधुनिक बिचार बोक्ने परिवर्तनकारी र अनुशासित पार्टी एमाले बाहेक अरु नरहेकाले अनुशासन पालना गर्न समेत निर्देशन दिए ।

उनले संसदीय दलमा काम र जिम्मेवारीको आधारमा मूल्याङ्कन गरि जिम्मेवारी दिने भन्दै पदको माग गरेर नआउन समेत सुझाव दिए । अध्यक्ष ओलीले पार्टीभित्र समस्या खडा गर्नुभन्दा एकताबद्ध र एकढिक्का भएर अघि बढ्नुपर्नेमा जोड दिएका थिए ।