नेताका कुरा

भदौ २३ र २४ गतेको आन्दोलन हाम्रै सरकारको अकर्मण्यता जिम्मेवार होइन र ? -एमाले नेता पाण्डे

सिधाकुरा

शुक्रबार, चैत २०, २०८२

भदौ २३ र २४ गतेको आन्दोलन हाम्रै सरकारको अकर्मण्यता जिम्मेवार होइन र ? -एमाले नेता पाण्डे

काठमाडौँ । आफ्नो कमजोरी लुकाएर कार्यकर्तालाई भ्रममा राखी अतिवादतिर धकेल्ने काम नगर्न पार्टी नेतृत्वलाई नेकपा एमालेका नेता सुरेन्द्र पाण्डेले आग्रह गरेका छन्।

आफ्नै नेतृत्वप्रति लक्षित शुक्रवार सामाजिक सञ्जाल फेसबुकमा एक स्ट्याटस पोस्ट गर्दै नेता पाण्डेले सो कुरा व्यक्त गरेका हुन् । नेता पाण्डेले भदौ २३ र २४ गतेको आन्दोलनको छानबिन हुनु पर्ने समेत बताएका छन् ।

Watch On

संसद्को पहिलो बैठकमा एमाले संसदीय दलका नेता रामबहादुर थापाले व्यक्त गरेका अभिव्यक्ति प्रति कडा आपत्ति जनाउँदै उनले भनेका छन्, ‘हिजो संसद्मा “षड्यन्त्र”का लामा कथाहरू सुनियो। सेनाले जोगाएन, कर्मचारीले टेरेनन्, प्रविधिले हरायो । सबै दोष अरूलाई ! हामी पनि दोषी छौँ । यो वातावरण सिर्जना गर्न हाम्रै सरकारको अकर्मण्यता जिम्मेवार होइन र रु अब यो ‘घेराबन्दी’मा पर्‍यौँ भन्ने “राष्ट्रवादी” राजनीति निकै पुरानो भयो।’

अबको एउटा मात्र साँचो राष्ट्रवादी लाइन भनेको नेपालको आर्थिक सुधार रहेकाले बाँकी सबै आ–आफ्ना एजेन्डा मात्र भएको उनले तर्क गरेका छन्। त्यस्तै उनले एमालेको राजनीति जनताको आकाङ्क्षासँग मेल नखाएको यथार्थलाई बेवास्ता गर्न नहुने समेत बताएका छन्।

प्रकाशित मिति: शुक्रबार, चैत २०, २०८२

प्रतिक्रिया दिनुहोस्