राप्रपा सांसद् खुश्बु ओलीको सरकारलाई प्रश्न-किसानका समस्याप्रति सरकार कति गम्भीर छ ?

काठमाडौँ । राष्ट्रिय प्रजातन्त्र पार्टीकी सांसद खुश्बु ओलीले किसानका समस्याहरुका बारेमा सांसद् मार्फत सरकारलाई प्रश्न गरेकी छन् ।

मंगलबार बसेको प्रतिनिधिसभा बैठकको शून्य समयमा बोल्दै सांसद ओलले रोपाइँको समय आउनै लाग्दा किसानलाई आवश्यक सामग्रीको बन्दोबस्तीबारे सरकारको तयारी के भइरहेको छ भनेर प्रश्न गरेकी हुन् ।

Watch On

सांसद ओलीले पश्चिम एसियाको द्वन्द्वको कारण मलको मूल्य वृद्धि तथा आपूर्तिमा संकट देखिएको उल्लेख गर्दै सरकारको ध्यानाकर्षण गराएकी थिइन् । उनले भनिन्, ‘रोपाइँको सिजन आउंदै छ। रोपाइँ अघि नै मल र कृषि सामग्री सुनिश्चित गर्नु अत्यावश्यक छ। तर पश्चिम एसियाको द्वन्द्वका कारण मलको मूल्य वृद्धि र आपूर्ति संकटका संकेतहरु देखा परिसकेका छन्,’ उनले भनिन्, ‘यस विषयलाई लिएर सरकारको तयारी के छ ? म सम्माननिय सभामुखमार्फत सोध्न चाहन्छु ।’

रोपाइँको समयमा किसानहरूले मल नपाउने, उत्पादन घट्ने र यही कारण खाद्य सुरक्षा जोखिमसँगै अर्थतन्त्रमा असर पर्ने भन्दै  रोपाइँको मुखमा मल अभाव भएमा किसानहरुलाई पिडा हुनुसंगै उत्पादन समेत घट्ने भन्दै सरकारको ध्यानाकर्षण गराएकी हुन्।

त्यस्तै सरकारसंग हाल सञ्चित मलले कति समयलाई थेग्न सक्छ भन्नेबारे पनि उनले सरकारसँग जवाफ माग गरिन् । उनले किसानका लागि आकस्मिक राहत योजनाबारे पनि सरकारको ध्यानाकर्षण गराएकी थिइन्।