नेताका कुरा

नागरिकलाई गर्व र अपनत्व हुने गरि काम गर्न सरकारलाई सांसद् अधिकारीको सुझाव

सिधाकुरा

बुधबार, चैत २५, २०८२

नागरिकलाई गर्व र अपनत्व हुने गरि काम गर्न सरकारलाई सांसद् अधिकारीको सुझाव

काठमाडौँ । राष्ट्रिय स्वतन्त्र पार्टी (रास्वपा) की सांसद लिमा अधिकारीले नागरिकलाई गर्व र अपनत्व हुने गरि काम गर्न सरकारलाई सुझाव दिएकी छन् ।

बुधबार बसेको प्रतिनिधिसभाको विशेष समयमा बोल्दै सांसद अधिकारीले जनताले ठूलो विश्वास गरेर रास्वपालाई मत दिएको भन्दै सरकारप्रति नागरिकको आशंका नभइ गर्वका साथ सरकार आफ्नै हो भन्न सक्ने गरि काम गर्न सुझाव दिएकी हुन्।

Watch On

अहिले नेपालको राजनीतिले काँचुली फेरेको अवस्थामा भागबण्डा नभइ परिणाम दिने गरि काम गर्नुपर्ने उनले बताइन्। सांसद अधिकारीले विपद्मा समेत राज्य नागरिकसंग टाढा बस्ने नभइ नागरिकको हात थाम्ने सहारा बन्न सक्नुपर्ने उल्लेख गरिन ।

उद्यम गर्ने वातावरण सुनिश्चित, सुरक्षित र आशावादी बन्दै जानुपर्ने र सरकारी कार्यालयबाट निस्किने हरेक सेवाग्राहीको अनुहारमा निराशा नभइ सन्तुष्टि र आत्मसम्मान देखिनुपर्ने उनले बताइन्।

अधिकारीले जेनजी आन्दोलनको मर्म अनुसार नयाँ सोच, नयाँ विचार, नयाँ ऊर्जा र उत्तरदायी नेतृत्वमार्फत देशलाई सही दिशामा लैजानुपर्नेमा जोड दिएकी थिइन्। नागरिकको चाहनाबमोजिम सुशासन र सार्वजनिक सेवा प्रवाहमा द्रुत गतिले कामको थालनी गरेको भन्दै उनले सरकारप्रति आभार व्यक्त गरेका थिए।

प्रकाशित मिति: बुधबार, चैत २५, २०८२

प्रतिक्रिया दिनुहोस्