कान्छाराम तामाङलाई जिल्ला सभापतिबाट निलम्वन गर्ने कांग्रेस अनुशासन समितिको निर्णय

काठमाडौँ । रामेछाप जिल्ला सभापति पदबाट पुर्ण बहादुर तामाङ (कान्छाराम) लाई निलम्वन गर्ने नेपाली अनुशासन समितिले निर्णय गरेको छ ।

बुधबार बसेको नेपाली कांग्रेस पार्टीको अनुशासन समितिले रामेछाप जिल्ला सभापति रहेका तामाङलाई पार्टीको विधान, २०१७ (संशोधन सहित) को धारा ३४ (८) (ङ) तथा ऐ. नियमावली, २०७६ को नियम २८ (३) बमोजिम अनुशासन उल्लघंन गरेको कसुरमा निलम्वन गर्ने निर्णय गरिएको जनाइएको छ ।

Watch On

पार्टीको सुशासन समितिको निर्णयमा भनिएको छ, ‘अनुशासन उल्लघंनको कसुरमा स्पष्टिकरण सोधिएकोमा निजले पार्टी नेतृत्वका विरुद्धमा वद्नियत राखी भ्रमपूर्ण र तथ्यहिन अभिव्यक्ति दिएको कुरालाई स्वीकार गरी त्यस्तो अभिप्राय थिएन भनी मिति २०८३ बैशाख ०८ गतेका दिन दिनु भएको स्पष्टिकरण जवाफ प्रारम्भिक रुपमा हेर्दा सन्तोषजनक एवं चित्तवुभदो नदेखिएको हुँदा यस विषयमा थप अनुसन्धान गरी निर्णय तहमा पुग्नु पर्ने देखिएकोले निज पुर्ण बहादुर तामाड (कान्छाराम) लाई सभापति पदमा राखिराख्दा अनुसन्धान कार्य प्रभावित हुने भएकोले नेपाली कांग्रेसको विधान, २०१७ (संशोधन सहित)
को धारा ३४ (८) (ङ) तथा ऐ. नियमावली, २०७६ को नियम २८ (३) बमोजिम अनुशासन उल्लघंन गरेको कसुरमा निर्णय नहुन्जेल सम्मका लागि पुर्ण बहादुर तामाड (कान्छाराम) लाई आजैका मितिदेखि नेपाली कांग्रेस रामेछाप जिल्लाको सभापति पदमा रही कामकाज गर्न नपाउने गरी निलम्वन गर्ने निर्णय गर्दछ।’