समाज

दुर्गा प्रसाईंको मुद्दामा आज सुनुवाइ भएन, हेर्दाहेर्दैमा राखियो

सिधाकुरा

सोमबार, जेठ ११, २०८३

दुर्गा प्रसाईंको मुद्दामा आज सुनुवाइ भएन, हेर्दाहेर्दैमा राखियो

पर्सा । मेडिकल व्यवसायी दुर्गा प्रसाईंको मुद्दामा आज सुनुवाइ हुन सकेन । समयमै मिसिल अदालतमा पेश नहुँदा सुनुवाई हुन नसकेको हो । आज उक्त मुद्दा हेर्दाहेर्दैमा राखिएको छ ।

बिहीबार जिल्ला अदालत पर्साले प्रसाईंलाई चार दिन हिरासतमा राख्न अनुमति दिएको थियो । त्यस्तै शुक्रबार सर्वोच्च अदालतले अब म्याद थप नगर्न आदेश दिएको थियो ।

Watch On

आफूलाई गैरकानुनीरूपमा हिरासतमा राखेको भन्दै प्रसाईंको तर्फबाट बन्दी प्रत्येक्षीकरण निवेदन दर्ता भएको थियो।

त्यसको सुनुवाइमा सर्वोच्च अदालतका न्यायाधीश विनोद शर्मा र नित्यानन्द पाण्डेयको इजलासले प्रसाईंको रिट खारेज गर्दै सरकारका नाममा यस्तो जारी गरेको थियो ।

राष्ट्र, राष्ट्रियता तथा नागरिक बचाउ अभियानका अध्यक्ष समेत रहेका प्रसाईंलाई कार्यक्रमका लागि पर्सा पुगेका बेला प्रहरीले पक्राउ गरेको थियो । प्रसाईंले विभिन्न सञ्चारमाध्यम तथा सामाजिक सञ्जालमार्फत विभिन्न किसिमको अभिव्यक्तिहरू दिने क्रममा सार्वजनिक नैतिकता, शिष्टचारविरुद्ध कसैप्रति घृणा वा द्वेष फैलाउने र विभिन्न जातजाति र सम्प्रदाय बीचको सुमधुर सम्बन्धलाई खलल पार्नेलगायत अभिव्यक्ति दिएकाले नियन्त्रणमा लिइएको थियो ।

प्रकाशित मिति: सोमबार, जेठ ११, २०८३

प्रतिक्रिया दिनुहोस्