नेताका कुरा

संसदमा पठाउने विधेयक फाइनल गर्न भूमि र महिलामन्त्रीसँग छलफल गर्दै कानुनमन्त्री गौतम

सिधाकुरा

बिहीबार, जेठ २८, २०८३

संसदमा पठाउने विधेयक फाइनल गर्न भूमि र महिलामन्त्रीसँग छलफल गर्दै कानुनमन्त्री गौतम

काठमाडौँ । कानुन न्याय तथा संसदीय मामिला मन्त्रालयले आगामी आर्थिक वर्ष ०८३/०८४ मा संघीय संसदमा पठाउने विधेयकको सूची तयार पार्न आजदेखि मन्त्रालयहरुसँग छलफल प्रारम्भ गर्दैछ ।

कानुन मन्त्री सोविता गौतमले विहीबार भूमि व्यवस्था, सहकारी, संघीय मामिला तथा सामान्य प्रशासन मन्त्री प्रतिभा रावल र सचिव मदन भुजेल तथा महिला, बालबालिका, लैगिक तथा यौनिक अपसंख्यक र सामाजिक सुरक्षा मन्त्री सीता बादी र सचिव राधिका अर्यालसँग छलफल गर्न लागेको कानुन मन्त्रालयले जनाएको छ ।

Watch On

महिला मन्त्री बादीसँग ३ बजे र भूमिमन्त्री रावलसँग ४ बजे कानुन मन्त्रालयमा छलफल हुनेछ ।

विधायन ऐनअनुसार हरेक वर्ष असार मसान्तभित्र संघीय संसदमा पेस गर्ने विधेयकहरूको प्राथमिकताक्रमसहितको सूची तयार गर्नुपर्ने कानुनी व्यवस्था छ । यसका लागि सम्बन्धित मन्त्रालयले वार्षिक कार्यतालिकाको रूपमा विधेयकको सूची कानुन मन्त्रालयमा पेस गर्नुपर्छ ।

'कानुनमन्त्रीज्यूले आगामी आर्थिक वर्षमा पेस गर्ने विधेयक फाइनल गर्न मन्त्रालयहरुसँग क्रमबद्ध छलफल गर्नुहुन्छ,' सचिवालयले भनेको छ, 'असारसम्म सबै विधेयकको सूची पठाउन कानुन मन्त्रालयले तयारी गरिरहेको छ ।'

प्रकाशित मिति: बिहीबार, जेठ २८, २०८३

प्रतिक्रिया दिनुहोस्