जनप्रतिनिधिका कुरा

महाधिवेशनको पूर्वसन्ध्यामा मधेशका ४० सांसदलाई सभापति लामिछानेले दिए विशेष जिम्मेवारी

सिधाकुरा

बिहीबार, असार ४, २०८३

महाधिवेशनको पूर्वसन्ध्यामा मधेशका ४० सांसदलाई सभापति लामिछानेले दिए विशेष जिम्मेवारी

काठमाडौँ । राष्ट्रिय स्वतन्त्र पार्टीका सभापति रबि लामिछाने पार्टीका तर्फबाट मधेशका ४० जना सांसदलाई विशेष जिम्मेवारी दिएका छन् ।

संसदीय दलको कार्यालयमा ४० जनासँग छलफल गर्दै सभापति लामिछाने मधेशका समस्याहरुबारे अध्ययन गरेर रिपोर्ट पठाउन निर्देशन दिएका हुन् ।

Watch On

सर्लाही १ बाट निर्वाचित सांसद नितिमा भण्डारी कार्कीकाअनुसार सभापति लामिछानेले मधेशलाई प्राथमिकतामा राखेर पार्टी अगाडि बढ्न खोजेको भन्दै पार्टीभित्र देखिएका प्रवृत्तिहरु केलाएर लिखित सुझावसहितको रिपोर्ट पठाउन निर्देशन दिएका हुन् ।

सभापति लामिछानेले मधेशका सात जिल्ला र प्रदेश समितिको अधिवेशन हुन नसकेकोमा चिन्ता व्यक्त गरेका थिए । अब राष्ट्रिय महाधिवेशनपछि आफै अगुवाई गरेर सम्पन्न गराउने भन्दै सभापति लामिछानेले त्यतिञ्जेल संगठनमा देखिएको समस्याहरु लिखित रुपमा सुझावसहित पठाउन भनेका हुन् ।

सभापति लामिछानेले मधेशका जनताले राखेको अपेक्षामा खराे उत्रनुपर्नेमा जोड पनि दिए ।

सभापति लामिछानेले ४० जना सांसदसँग आफ्नो क्षेत्र र जिल्लामा के समस्या हो अधिवेशन नहुनुको छुट्टाछुट्टै लिखित रिपोर्ट पेस गर्न निर्देशनसमेत दिएको महोत्तरीका सांसद दिपककुमार साहले बताए ।

प्रकाशित मिति: बिहीबार, असार ४, २०८३

प्रतिक्रिया दिनुहोस्