जनप्रतिनिधिका कुरा

देवानी कानुन संशोधन गर्दै सरकार, कानुन मन्त्रालयले माग्यो जनतासँग सुझाव

सिधाकुरा

शुक्रबार, असार ५, २०८३

देवानी कानुन संशोधन गर्दै सरकार, कानुन मन्त्रालयले माग्यो जनतासँग सुझाव

काठमाडौँ । सरकारले देवानी कानुन संशोधनको प्रक्रिया अगाडि बढाएको छ ।

कानुन, न्याय तथा संसदीय मामिला मन्त्रालयले कानुन संशोधनका लागि मस्यौदा नै तयार पारेको छ र मस्यौदामा सुझाव दिन सार्वजनिक सूचना जारी गरेर अपिल गरेको छ ।

Watch On

कानुन मन्त्री सोविता गौतमले आफूले पद सम्हालेपछि जनताले अनलाइनबाट सोझै सुझाव दिन पाउनेगरी व्यवस्था गरेकी छिन् । उक्त व्यवस्थाअनुसार मन्त्रालयले सुझाव दिन आह्वान गरेको हो ।

मन्त्रालयले मुलुकी देवानी संहिता २०७४ लाई संशोधन गर्न विधेयक र मुलुकी देवानी कार्यविधि संहिता २०७४ लाई संशोधन गर्न विधेयकको मस्यौदा तयार गरेको छ ।

विधेयकको मस्यौदा तथा विधेयक तर्जुमा गर्नुको कारण र त्यसले पार्ने प्रभाव सर्वसाधारणको रायको लागि प्रकाशन गरिएको भन्दै मन्त्रालयले विधेयकउपर मन्त्रालयद्वारा सञ्चालित सुझाव पोर्टल ल फिडब्याक मार्फत १५ दिनभित्र आफ्नो राय उपलब्ध गराउन अनुरोध गरिएको छ ।

देवानी कानुन परिवार, सम्पत्ति र पदसँग सम्बन्धित हुन्छ । यसमा अंशवण्डा, अपुताली, लेनदेन, करार सम्बन्धी, सम्बन्ध विच्छेद, नाता कायम, दुष्कृतिसँग सम्बन्धित मुद्दा पर्छन् ।

परिवार र समुदायसँग सम्बन्धित कानुनमा सरकारले समाजका सबै पक्षबाट सुझावको अपेक्षा गरेको छ ।

प्रकाशित मिति: शुक्रबार, असार ५, २०८३

प्रतिक्रिया दिनुहोस्