सुशासन र सेवा प्रवाहका लागि बालेन सरकारले ल्याएका चार विधेयक पारित गर्दै प्रतिनिधि सभा

काठमाडौँ । प्रतिनिधि सभाको आजको बैठकले चारवटा विधेयक पारित गर्दैछ । विधेयक पारित प्रतिनिधि सभाको बैठक विहान ११ बजे बस्दैछ । 

सरकारले सुशासन कायम गर्न र सेवा प्रवाह सहजीकरणका लागि ८ वटा अध्यादेश ल्याएकोमा चारवटा स्वीकृत भई प्रतिस्थापन विधेयक ल्याएको थियो । अघिल्लो बैठकमा प्रतिस्थापन विधेयकमा छलफल सकाएको प्रतिनिधि सभाले आज विधेयकमा परेका संशोधनमाथि दफावार छलफल गर्दै पारित गर्न लागेको हो । 

Watch On

संसद सचिवालयकाअनुसार आजको बैठकमा प्रधानमन्त्री बालेन्द्र शाहको तर्फबाट कानुन, न्याय तथा संसदीय मामिला मन्त्री सोविता गौतमले सार्वजनिक खरिद (दोस्रो संशोधन) विधेयक, २०८३ माथि दफावार छलफल सदनमा गरियोस् भनी प्रस्ताव प्रस्तुत गर्ने छिन् । सभामुखले विधेयकमाथि प्राप्त संशोधनहरूलाई निर्णयार्थ प्रस्तुत गर्नेछन् । त्यसपछि प्रधानमन्त्रीकाे तर्फबाट कानुनमन्त्री गौतमले विधेयक पारित गरियोस्भनी प्रस्ताव प्रस्तुत गर्ने र पारित गर्ने कार्यसूची छ । 

यसैरी अर्थ मन्त्री डा. स्वर्णिम वाग्लेले सम्पत्ति शुद्धिकरण (मनि लाउन्डरिङ्ग) निवारण (तेस्रो संशोधन) विधेयक, २०८३ माथि दफावार छलफल सदनमा गरियोस् भनी प्रस्ताव प्रस्तुत गर्नेछन् । विधेयकमाथि प्राप्त संशोधनहरूलाई निर्णयार्थ प्रस्तुत गरिनेछ ।
मन्त्री वाग्लेले विधेयक पारित गरियोस् भनी प्रस्ताव प्रस्तुत गर्नेछन् र पारित हुनेछ । 

यसैगरी भूमि व्यवस्था, सहकारी, सङ्घीय मामिला तथा सामान्य प्रशासन मन्त्री प्रतिभा रावलले सहकारी (पहिलो संशोधन) विधेयक, २०८३ माथि दफावार छलफल सदनमा गरियोस् भनी प्रस्ताव प्रस्तुत गर्नेछिन् । विधेयकमाथि प्राप्त संशोधनहरूलाई निर्णयार्थ प्रस्तुत गरिनेछ ।
मन्त्री रावलले विधेयक पारित गरियोस् भनी प्रस्ताव प्रस्तुत गर्ने छिन् र पारित हुनेछ । 

यसैगरी स्वास्थ्य तथा खाद्य स्वच्छता मन्त्री निशा मेहताले स्वास्थ्य विज्ञान प्रतिष्ठान सम्बन्धी केही नेपाल ऐनलाई संशोधन गर्ने विधेयक, २०८३ माथि दफावार छलफल सदनमा गरियोस् भनी प्रस्ताव प्रस्तुत गर्नेछिन् । विधेयकमाथि प्राप्त संशोधनहरूलाई निर्णयार्थ प्रस्तुत गरिनेछ ।
मन्त्री मेहताले विधेयक पारित गरियोस् भनी प्रस्ताव प्रस्तुत गर्नेछिन् र पारित हुने कार्यसूची छ ।