जनप्रतिनिधिका कुरा

लेखासहित तीनवटा संसदीय समितिको बैठक बस्दै, मन्त्रीद्वय महावीर पुन र शिशिर खनाल सहभागी हुने

सिधाकुरा

मंगलबार, असार २३, २०८३

लेखासहित तीनवटा संसदीय समितिको बैठक बस्दै, मन्त्रीद्वय महावीर पुन र शिशिर खनाल सहभागी हुने

फाइल तस्बिर

काठमाडौँ । प्रतिनिधि सभाका तीनवटा विषयगत समितिको बैठक आज बस्दैछ ।

संसद सचिवालयकाअनुसार सार्वजनिक लेखा समिति, शिक्षा, स्वास्थ्य तथा सूचना प्रविधि समिति र अन्तर्राष्ट्रिय सम्बन्ध र पर्यटन समितिको बैठक बस्न लागेको हो ।

Watch On

समितिको आन्तरिक कार्यविधि पारित सम्बन्धमा, बेरुजु छलफल उपसमिति गठन सम्बन्धमा र विविध गरीं तीन एजेण्डामा लेखा समिति विहान ९ बजे बस्दैछ ।

राष्ट्रिय विधि विज्ञान प्रयोगशाला (स्थापना र सञ्चालन) विधेयक, २०८१ सम्बन्धमा छलफल गर्न विहान ९ बजे शिक्षा समितिको बैठक बस्दैछ ।

बैठकमा विज्ञान, प्रविधि तथा नवप्रवर्तन मन्त्री महावीर पुन उपस्थित हुनेछन् । यसैगरी विज्ञान मन्त्रालयका सचिव, कानुन मन्त्रालयका सचिव, राष्ट्रिय विधि विज्ञान प्रयोगशालाका कार्यकारी निर्देशक र विषय विज्ञ डा. गोपाल चौधरी उपस्थित हुनेछन् ।

यसैगरी परराष्ट्र मन्त्रीको भारत र चीन भ्रमणका साथै अन्य समसामयिक विषयहरूमा समितिलाई जानकारी गराउने र विविध एजेण्डामा छलफल गर्न अन्तर्राष्ट्रिय सम्बन्ध र पर्यटन समितिको बैठक विहान ९:३० बजे बस्दैछ ।

बैठकमा परराष्ट्र मन्त्री शिशिर खनाल र परराष्ट्र सचिव अमृत राई उपस्थित हुनेछन् ।

आज प्रतिनिधि सभाको बैठक छैन । मिनि संसदका रुपमा रहने समितिहरुको बैठक बस्न लागेको हो ।

प्रकाशित मिति: मंगलबार, असार २३, २०८३

प्रतिक्रिया दिनुहोस्