जनप्रतिनिधिका कुरा

प्रधानमन्त्रीको जवाफ खोज्दै सदनमा एकसाथ उठे सबै विपक्षी दल

सिधाकुरा

बिहीबार, असार २५, २०८३

प्रधानमन्त्रीको जवाफ खोज्दै सदनमा एकसाथ उठे सबै विपक्षी दल

काठमाडौँ । प्रधानमन्त्री बालेन्द्र शाहको जवाफ खोज्दै विपक्षी दलका सांसद प्रतिनिधि सभामा उठेर विरोध जनाएका छन् ।

प्रतिनिधि सभाको बिहीबार विहान बसेको बैठकको सुरुवातमा प्रमुख प्रतिपक्षी कांग्रेससहित विपक्षी एमाले, नेकपा, श्रम संस्कृति र राप्रपाका सांसदहरु एकसाथ उठेर प्रधानमन्त्री सदनमा आएर जवाफ दिनुपर्ने माग गरेका हुन् ।

Watch On

प्रधानमन्त्री शाहले जेठ १७ को प्रतिनिधि सभा बैठकमा नेपाल भारत सीमासम्बन्धी दिएको अभिव्यक्ति सदनमा आएर सच्याउनुपर्ने, माफी माग्नुपर्ने माग उनीहरुले गरेका छन् ।

सभामुख डोलप्रसाद अर्यालले आजको बैठकको कारवाही सुरु हुन्छ भन्ने वितिकै विपक्षी बेन्चका सांसदहरु जुरुक्क उठेका थिए । उठेपछि सभामुख अर्यालले समय दिएका थिए ।

विपक्षीका तर्फबाट कांग्रेस सांसद हरिनादेवी कामी, एमालेकी यशोदा बराल, नेकपाकी भीमकुमारी बुढामगर, श्रम संस्कृतिका पूर्णप्रसाद लिम्बु, राप्रपाकी खुश्बु ओलीले प्रधानमन्त्रीको अभिव्यक्ति राष्ट्रघाती भन्दै सच्याउनुपर्ने र त्यसका लागि सदनमा बोलाउनुपर्ने माग गरेका थिए । उनीहरुले सत्तारुढ सांसद राष्ट्रियताको विषयमा मौन बसेको पनि प्रश्न उठाए ।

उनीहरुले सुकुम्बासीको विचल्ली पारिएको भन्दै व्यवस्थापन गर्न पनि ध्यानाकर्षण गराए ।

प्रकाशित मिति: बिहीबार, असार २५, २०८३

प्रतिक्रिया दिनुहोस्