आशिका तामाङको मोबाइल नम्बर संसद सचिवालयले एमालेका ऐन महरको नाममा राखेपछि...

काठमाडौँ । सांसदहरुले आफ्नो नाम र नम्बर गलत राखिएको गुनासो गरेका छन् । 

सांसदहरुको विवरण अभिलेख गरेर राख्ने संसद सचिवालयले नाम र नम्बर गलत राखेको गुनासो कार्यव्यवस्था तथा परामर्श समिति बैठकमा पुगेको छ । 

Watch On

सभामुख डोलप्रसाद अर्यालको अध्यक्षतामा सोमबार बसेको प्रतिनिधि सभा कार्यव्यवस्था तथा परामर्श समिति बैठकमा संसदको अभिलेखमा आफ्नो नाम र नम्बर गलत राखिएको भन्दै ध्यानाकर्षण गराएका हुन् । 

कांग्रेस प्रमुख सचेतक वासना थापाले आफ्नो नामको अक्षर गलत राखिएको भन्दै प्रश्न उठाएकी छिन् । संसद सचिवालयको रेकर्डमा उनको नाम बासना थापा राखिएको छ । वा हुनुपर्नेमा बा राखिएकोमा उनले प्रश्न उठाएकी हुन् । 

यसैगरी रास्वपाका धेरै सांसदले आफ्नो नामको अगाडि डा. छुटाएको गुनासो गरेका छन् । मुख्य सचेतक कविन्द्र बुर्लाकोटीले नाम र नम्बर फरक परेको कुरा आएको बताए । नाम निर्वाचन आयोगले सच्याउनुपर्ने भएकाले सम्बन्धित सांसदलाई आयोग जान भनिएको र नम्बहरु संसद सचिवालयले सच्याउने कुरा भएको बताए छ । 

संसद सचिवालयकाअनुसार एमाले प्रमुख सचेतक ऐन महरको नम्बर टेलिफोन डाइरेक्ट्रीमा फरक परेको छ । महरको नाममा राखिएको नम्बर रास्वपा सांसद आशिका तामाङको परेको थियो । नम्बर फरक परेकैले आफूलाई धेरै फोन नआएको गुनासो महरले गरेका थिए । 

संसद सचिवालयकाअनुसार संसदको वेबसाइटमा राखिएको टेलिफोन डाइरेक्ट्रीमा नम्बर सच्याइसकिएको छ, तर छापिएको सांसदको विव
रण पुस्तकमा भने सच्याउन बाँकी छ । 

संसद सचिवालयका प्रवक्ता एकराम गिरीले नामको हकमा आयोगबाट सच्याएर आएपछि सचिवालयले अद्यावधिक गरिदिने र टेलिफोनको हकमा सच्याइसकेको बताए ।