नेताका कुरा

सभामुखले अचानक किन स्थगित गरे प्रतिनिधि सभा बैठक ?

सिधाकुरा

मंगलबार, भदौ ९, २०८३

सभामुखले अचानक किन स्थगित गरे प्रतिनिधि सभा बैठक ?

काठमाडौँ । प्रतिनिधि सभाको आजको बैठक स्थगित भएको छ ।

आज १ बजे बोलाइएको बैठक सभामुख डोलप्रसाद अर्यालले विहान १० बजे स्थगित गरेका हुन् ।

Watch On

संसद सचिवालयकाअनुसार सभामुख अर्यालकी सासुआमाको निधन भएकाले बैठक स्थगित गरिएको हो ।

प्रतिनिधि सभा नियमावलीअनुसार संसदको बैठकको सुरुवात र अन्त्य सभामुखले नै गर्ने व्यवस्था छ ।

सभामुख शोकमा परेकाले बैठक स्थगित गरिएको हो । अर्को बैठक अब बुधबार दिउँसो १ बजे बस्नेगरी निर्धारण गरिएको छ ।

आजको बैठकमा कानुन, न्याय तथा संसदीय मामिलामन्त्री सोविता गौतमले नेपाल कानुन आयोग (पहिलो संशोधन) विधेयक प्रस्तुत गर्ने, मेलमिलापसम्बन्धी (दोस्रो संशोधन) विधेयक माथि विचार गरियोस् भन्ने प्रस्ताव प्रस्तुत गर्ने कार्यसूची थियो ।

यसैगरी कानुनमन्त्री गौतमले ‘संयुक्त राष्ट्र सङ्घीय सामुद्रिक कानुनसम्बन्धी महासन्धिअन्तर्गतको राष्ट्रिय क्षेत्राधिकारभन्दा बाहिरका क्षेत्रका सामुद्रिक जैविक विविधताको संरक्षण र दिगो प्रयोगसम्बन्धी सम्झौता’ पेस गर्ने कार्यसूची थियो ।

साथै युवा, श्रम तथा रोजगारमन्त्री रामजी यादवले ‘बालश्रम (निधेष तथा नियमित गर्ने) विधेयक, २०८३ लाई दफावार छलफलका लागि सम्बन्धित समितिमा पठाइयोस्’ भन्ने प्रस्ताव प्रस्तुत गर्ने कार्यसूची थियो ।

प्रकाशित मिति: मंगलबार, भदौ ९, २०८३

प्रतिक्रिया दिनुहोस्