जनप्रतिनिधिका कुरा

राहत र उद्धारका साथै भोलिको विपद् रोक्न आजै पूर्वतयारी गर्नुपर्छ : खुश्बु ओली

सिधाकुरा

बुधबार, भदौ १०, २०८३

राहत र उद्धारका साथै भोलिको विपद् रोक्न आजै पूर्वतयारी गर्नुपर्छ : खुश्बु ओली

काठमाडौँ । राप्रपा प्रमुख सचेतक खुश्बु ओलीले रसुवा बाढी प्रभावित क्षेत्रमा उद्धार र राहतको लागि सरकारको ध्यानाकर्षण गराएकी छिन् ।

Watch On

नेपालका हिमाल उच्च जोखिममा रहेको भन्दै ओलीले राहत र उद्धारको कुराले नपुग्ने बताइन् ।

प्रतिनिधि सभाको आकस्मिक समयमा बोल्दै ओलीले भनिन्, 'राहत र उद्धारको कुरा गरेर पुग्दैन । अब प्रश्न पूर्वसूचना प्रणालीको पनि हो । जोखिमयुक्त हिमतालको नियमित अनुगमन पनि हो । जलवायु प्रतिरोधी पूर्वाधार निर्माणको पनि हो । जोखिममा रहेका बस्तीको पूर्वतयारी र सुरक्षित स्थानान्तरणको हो । सबैभन्दा महत्त्वपूर्ण राज्यको जलवायु कुटनीतिको पनि हो ।'

ओलीले विपद एउटा देशभित्र सीमित नरहने र हिमाल साझा पारिस्थितिक प्रणाली भन्दै त्यसैले यसको जोखिम व्यवस्थापनमा राष्ट्रिय समन्वयमात्र पर्याप्त नहुने बताइन् । क्षेत्रीय र विश्वव्यापी सहकार्यमा नेपालजस्ता देशले भूमिका खेल्नुपर्ने उनको भनाइ थियो ।

'यो बाढीको घटनालाई नेपालको जलवायु सुरक्षा, हिमाली जोखिम र जलवायु न्यायको राष्ट्रिय एजेण्डा बनाउनुपर्छ । राहत र उद्धारको जिम्मेवारी छँदैछ । भोलिको विपद् रोक्न आजै पूर्वतयारी गर्न हामीले अन्तर्राष्ट्रिय समुदायलाई भन्नुपर्छ,' उनले भने ।

प्रकाशित मिति: बुधबार, भदौ १०, २०८३

प्रतिक्रिया दिनुहोस्