सर्वदलीय संसदीय समिति बनाउने रविको प्रस्तावमा गगनको सहमति

काठमाडौँ । कांग्रेस सभापति गगनकुमार थापाले रसुवा बाढीपछिको विपदमा एकै ठाउँमा उभिन सर्वदलीय संसदीय समिति बनाउन सहमति जनाएका छन् । 

Watch On

सर्वदलीय बैठकमा रास्वपा सभापति रवि लामिछानेले सर्वदलीय समिति बनाउन प्रस्ताव गरेका थिए । 'राहत उद्धारदेखि पुनर्स्थापनासम्म सर्वदलीय समिति वा संसदीय वा सर्वपक्षीय समिति गठन गरौं । जसले सरकारलाई निर्णय गर्न सहज होस्,' लामिछानेले भनेका थिए । 

'रास्वपा सभापतिले गर्नुभएकाे सर्वदलीय समितिकाे प्रस्तावमा हामी सहमत छौं । सर्वदलीय संसदीय समिति बनाउ । यसले पीडामा सरकारलाई आन्तरिक, बाह्य, दातृ निकाय सबै एकै ठाउँमा उभिने गरि सरकारलाई हातेमालाे गर्न सहजीकरण गरौं,' उनले भने । 

उनले दलीय पहिचान निषेध गरेर एकद्वार प्रणालीबाट राहत संकलन र वितरण गर्ने रविको कुरा ठिक भएको बताए । 

गगनले याे पहलका लागि लामिछानेलाई  धन्यवाद दिँदै आफूहरु सरकारकाे साथमा एक ठाउँमा रहेको बताए । 'प्रधानमन्त्रीज्यूले बाेलाएकाे बैठकमा पनि हामीले कांग्रेस साथमा छ भनेका छौं,' उनले भने ।  

एमाले महासचिव शंकर पाेखरेलले यस्तो अवस्थामा सरकारले, प्रधानमन्त्रीले अग्रसरता लिनुपर्ने बताए । उनले भने, 'सबै दल एक भएर जाउ । शव पहिचान र परिवारलाई हस्तान्तरणमा लागौं । वेपत्ताकाे खाेजीदेखि सबै काममा एक भएर काम गरौं । प्रभावकारी समन्वय गरौं,' उनले भने । हवाई उद्वारमा एकीकृत याेजना जरूरी रहेको उनको भनाइ थियो ।