नेताका कुरा

सर्वोच्चले देउवा र खड्कालाई दिएन अन्तरिम आदेश, गगनलाई महाधिवेशन गर्न बाटो खुला

सिधाकुरा

बिहीबार, भदौ ११, २०८३

सर्वोच्चले देउवा र खड्कालाई दिएन अन्तरिम आदेश, गगनलाई महाधिवेशन गर्न बाटो खुला

काठमाडौँ । सर्वोच्च अदालतले कांग्रेसका निवर्तमान सभापति शेरबहादुर देउवा र निवर्तमान कार्यवाहक सभापति पूर्णबहादुर खड्काले कांग्रेसको आसन्न पन्ध्रौँ महाधिवेशन रोक्न माग गर्दै दायर गरेको रिटमा अन्तरकालीन आदेश दिन अस्वीकार गरेको छ ।

Watch On

सर्वोच्चको पछिल्लो आदेशसँगै गगन थापा नेतृत्वको केन्द्रीय समितिलाई १५ औं महाधिवेशन गर्न बाटो खुलेको छ । कांग्रेसले असोज १६ देखि १९ गतेसम्म १५औँ महाधिवेशन गर्दैछ ।

न्यायाधीशहरू नहकुल सुवेदी, महेश शर्मा पौडेल र मेघराज पोखरेलको इजलासले देउवा र खड्काको मागमा अन्तरकालीन आदेश दिन अस्वीकार गरेको हो।

आदेशमा भनिएको छ– ‘...पुनरवलोकनको आदेश भएकोमा त्यसको किनारा नभएसम्म फैसलाको कार्यान्वयन स्थगन गर्नुपर्ने कानुनी व्यवस्था गरेको देखिएता पनि वैशाख ४ को आदेशले फैसला कार्यान्वयन गर्नुपर्ने गरी कुनै आदेश निर्देश नगरी निवेदन नै खारेज गरेकोसमेत स्थितिमा निवेदन माग बमोजिम अन्तरकालीन आदेश जारी गर्न पर्नेसम्मको पूर्वावस्था प्रथम दृष्टिमा नै नदेखिएको हुनाले निवेदन माग बमोजिम अन्तरकालीन आदेश जारी गरिरहनु परेन ।’

यो आदेशले कांग्रेसलाई पन्ध्रौँ महाधिवेशन गर्न बाटो खोलेको सर्वोच्च प्रवक्ता एवं सहरजिस्ट्रार अर्जुनप्रसाद कोइरालाले जानकारी दिए ।

प्रकाशित मिति: बिहीबार, भदौ ११, २०८३

प्रतिक्रिया दिनुहोस्