रास्वपा सांसद, नेताहरुलाई रविको निर्देशनः अनावश्यकरुपमा प्रभावित क्षेत्र पुगेकाहरु तत्काल फर्किनु

काठमाडौँ । राष्ट्रिय स्वतन्त्र पार्टी (रास्वपा) सभापति रवि लामिछानेले अनावश्यक रूपमा बाढी प्रभावित क्षेत्रमा गएको सांसद तथा रास्वपा नेताहरुलाई तत्काल फिर्ता हुन निर्देशन दिएका छन् । 

Watch On

जारी केन्द्रीय समिति बैठकमा सभापति लामिछानेले अनावश्यकरुपमा पार्टीको विना जानकारी प्रभावित क्षेत्रमा घुम्न जानेहरुलाई तत्काल फिर्ता हुन निर्देशन दिएका हुन् । 

सभापति लामिछानेले केही सांसद तथा नेताहरू प्रभावित क्षेत्रमा पुगेर सहयोग र उद्धारमा भन्दा बढी फोटो खिच्ने भिडियो बनाउने प्रवृती देखिएकाले त्यसलाई तत्काल रोक्न भनेका हुन् । 

उनले भने, 'तपाईंहरू व्यक्तिगत रूपमा नभई पार्टीको प्रतिनिधित्व गर्दै प्रभावित क्षेत्रमा जानुभएको हो। त्यसैले आफूले गर्ने प्रत्येक कामले पार्टीको प्रतिनिधित्व र छविलाई समेत प्रतिबिम्बित गर्छ भन्ने कुरालाई ध्यानमा राखी आवश्यक संवेदनशीलता, जिम्मेवारी र विवेक पुर्‍याउनुहोला'।

लामिछानेले बाढी गएकै दिन संसदबाट कुनै पनि नेता, सांसद तथा भिआइपीहरुलाई अनावश्यकरुपमा प्रभावित क्षेत्र घुम्न नजान भनेका थिए । साथै आफू पनि अनावश्यकरुपमा नजाने, जानै परेको खण्डमा कुनै पनि भिआइपी सेवा नचाहिने बताएका थिए । 

आजै दिउँसो पार्टीका शिर्ष नेताहरुसँगको छलफलमा पनि सभापति लामिछानेले यस विषयमा चासो राखेका थिए । लामिछानेले बाढी आएको दिनदेखिनै सक्रियता देखाएका छन् ।

लगत्तै सर्वदलीय बैठक,पार्टी बैठकबाट राहत तथा र्‍याट परिचालन देखि प्रभावित पालिका जनप्रतिनिधि, प्रदेश प्रमुखसँग निरन्तर संवाद गरिरहेका छन् । 

आज सभापति रवि लामिछानेले पार्टीका शीर्ष नेताहरूको छलफलमा पनि यसबारेमा चासो राखेका थिए । पार्टीको तर्फबाट अहिलेसम्म भए गरेका कामबारे ब्रिफिङ लिएपछि सभापति लामिछानेले अत्यावश्यकबाहेक प्रभावित क्षेत्रमा नजान भनेका हुन् ।